Nisu naši stari bili ludi pa se na ovo podneblje stolječiman sadila loza, maslina i smokva jerbo kad liti upeče zvizdan u poje ništa drugo do ovoga nabrojenoga ne more priživit. Ali ova godina je bila ništo posebno,jerbo je u cilo lito palo toliko kiše da je namirila prosjek sve do kraja godine tako da su smokve od velike vodurine gnjijale i ni četvrtina se nji nije ubrala,a ni osušila…

Pitanje je to koje se još uvik more čut po selu. A sve je počelo onda kad se na blogu naše župe mogla pročitat formulacija riči koja je navela na polemiku u mistu di se je počelo razglabat je li ka ča je po tome parilo da je Sv. sakramenat Krizme u osmomen, umisto u drugomen razredu Sridnje škole? Rečenica je preformulirana i na blogu se dan nakon uočene greške…

Danas je sveton mison polaganjen vijenac i paljenjen šterika isprid biste obilježena 70-ta godišnjica smrti Fra Bernardina Sokola.

U spliskoj Marmontovoj se i ovu godinu moglo guštat na Noči istraživača di se moglo vidit kako se sladoled čini sa tekučin dušikon-to je ono ča če te na slici vidit kako iz zdile ništo dimi,pa onda kako če izgledat vrtovi budučnost,neče tribat odit u polje masline,smokve… če te moč na balkoniman uzgajat (ovo zanje san ja malo nadoda,ali mislin da nije ni to puno daleko),pa se moglo naučit o…

Jučera se u naše selo,točnije u Starčevičevoj,mikrolokacija gori di je prije bila pilana,preciznije na istočnu bandu od sadašnjega pogona Kaštelanke počeja činit šator. I to kakvi šator. Naki ka ča ga morete vidit na televiziju kad koji selebriti činidu eventime. Doša je cili šleper i jedan mali kamijončič materijala sa ljudima iz Zagreba koji evo jema dva dana marljivo radidu na postavljanju otega šatora koji kad su ga tek počeli…

E, od kako su makli onu betonsku skalinu i od kako su ova dva,upss jedan,pardonček, od kako više nima nijedanoga nesriknjega smetača za prolazak aut tot se sad leva-leva prolazi i svi su lipo zadovoljni? Najprije je jema jednu,a okolo misec dan bija samo jedan,a jema i desetak dan da sad nima više nijednoga ovoga smetača za prolazak aut i nikomen to ne smeta.Pa kad se več prešutno dopustilo nesmetani…

Kad san bija u Zagreb vidija san na par misti di su vrtiči tabele koje dopuštadu roditeljiman da na parkirališnin mistiman koja se plačadu na desetak minuti moredu lipo ostavit auto bez straja da če ji na šoferšajbi dočekat uplatnica o prekršaju zbog “egzotičnoga” parkiranja. A roditelji ča vodidu dicu u dičinji vrtič Neven su u velikima problemiman jerbo je sa zapadne strane vrtiča ulica sa parkirališten koje se plača,sa…

Ka ča znate ovu nediju su u Kaštilima održani izbori za Mjesne odbore na koje je u naše selo izašlo samo okolo dvanajst posto,a u cila Kaštila okolo deset posto glasači,e i sad opet priče da šta napravit pa da se svit nikako natira da učine ono šta mu je dužnost?pa se spominjedu skandinavske zemlje i da bi i u nas tribalo za one ča ne izađedu na glasanje uvest…

Jučera je u organizaciji Udruge Sunce okolo dvistotinjak Spličani povodon dana bez aut na biciklan učinilo đir od Banovine do Žnjana dug oko devet kilometri,a cilj ovoga je bija ukazivanje na nedostatak biciklistički staz ka i o skupoči karat na trajektima za prijevoz bicikli na otoke zašto su kad su prolazili kraj trajektne luke zvonili sa zvonciman. A kakvi problem imaju Sučurani-biciklisti koji su svaki dan u sve večemu broju….