Danas je Sučuračka riva bila sva u vonjima o bakalara.Za razliku od prošli godin kad je Matela započeja sa diljenjen bakalara koji je več odavna posta tradicija koja se ne propušta,ove godine u organizaciji MO Sučurca isto se dilija bakalar. E, sad Sučurac nebi bija Sučurac da se i po pitanju okolo bakalara nisu napravile podjele. Bila je velika dilema kod koga se poč fatit je li na desnu oli…

U Splitu su na Badnji dan na Prokurativama podilili pet iljad porcij bakalara,a glavna gužva kod diljenja se stvorila oko političari jerbo je svako tija baš od svoga miljenika dobit bakalar koji se razdilija u manje od dvadeset minuti.

U ponediljak su đudaši Dalmacijacement u Sučuračkomen kinu svečanon Skupštinon kluba proslavili svoji četrdeset godin postojanja,a sve je to reka je najdugovječniji predsjednik kluba Mirko Parčina počelo kad su nigdi tamo vidili niki plakat sa dvojicon na tatamiju kako se iskrečedu i pala jin je ideja da zašto se i oni toga nebi uvatili. Tako da je nji pet Mirko Parčina,Špiro Pleština,Mišo Prkačin,Borko Delič i Ante Erceg pri četrdeset godin…

Na Svetoga Stipana u tri ure popodne počet če deseta po redu jubilarna utrka u turanju kariči koja če pobjedniku donit 60.000 lip,za drugo misto če se dobit 40.000 lipa,a trečoj ekipi če pripast 20.000 lip. Od kako je uredilo temelje od stare crikve odma se u selo otvorila polemika oko toga di če se sad utrka o kariči činit? A ka i svake godine počet če sa topa na…

A lipo. Sve je to počelo prošli petak kad su od skupljeni pinez šta su ji dali roditelji kupljeni pokloni i smišteni u prostorije vrtiča i sve je bilo spremno za ponediljak kad je u vrtič triba doč Dida Mraz za dici podilit ote darove,e,a sad ono prekrasno ALI tokon vikenda provaljeno je u vrtič i sve ote poklone “posjetioci” su raščepušali tako da su dijal slakusarij na licu mista…

Danas su u Sučuračkome vatrogasnome domu klub DDK Cemex i gradsko društvo Crvenoga križa iz Kaštili organizirali dobrovoljno darivanje krvi koje je nekiman bilo i zadnje davanje ka npr. Ivici Batini kojemu je ovo bija pedeset i prvi put da je da krv,ali pošto če skoro navršit šezdeset i petu godinu života više na ovi način to neče moč činit.

Počelo je danas,a trajat če sve do petka podila Božičnice-bonov šta ji Grad daje Kaštelanskiman penzionerima ča ji se more potrošit u Tomija i Ribole.Oni šta in je penzija do dvi iljade kun dobiče bon od dvista kun,a oni šta jin je penzija od dvi do četiri iljade dobit če bon od sto kun,a za to podignit triba donit zanji odrezak od penzije i osobnu kartu.U Sučurcu se bonovi dilidu…