Nakon ča su prošle sedmice doli na Sokolani iz mora bageron vadili ono stinj ča je iza nas ostalo,jučera su napokon donili žalo i u moru ga i po plaži rasuli,nadan se da je oto žala uspilo pokrit ono stinj šta je u moru još uvik ostalo. Pita san ljude šta su doli radili,jesu li jin rekli da itnedu malo žala i tamo di su skale,a da nisu,a bilo bi…

Znate ono za ceradu koju su nikidan stavili na onu doli priobučivalici na Sokolanu na kojoj je pisalo Kaštel Sučurac,a uz motive našega sela na ceradi nalazija se i Kanbelovski spomenik Fabjanu i Jakovu Dražin,a pa su otu ceradu prominili i sad je Hajdučko bila… Sad: Prije:

Znate ono kad je 2021 nije ni do petnajsti sedmoga meklo,ove godine priobučivalicu na Sokolanu je jema dva dana stavilo,ali ka šta to več u nas po običaju biva,o ceradi sa kojon je otu priobučivalicu pokrilo govori se na sve strane,a i mene je fermalo,pa me pitalo,a je li ti iz Mjesnoga Odbora,a reci ti nan,a kakve veze jemadu spomenici iz Kanbelovca sa Sučurcen,a ja ji gledan i neman pojma…

Ka šta znamo ima nikoliko miseci kako su mjerenja pokazala da u zraku na Brdima ima povišenih vrijednosti teški metali-Arsena,Nikla… Krajen četvrtoga miseca prosvjed je krenija sa Brda i odili su sve do prostorij državnoga inspektorata,dok su prosvjednici ovi put krenili niz Marmontovu,Rivon,pa doli do trajektne luke di su prostorije Lučke uprave,zbog izdane koncesije u Sjevernoj luci i dozivali ravnatelja Vicu Mihanovića koji se među prosvjednike i spustija i pozva…

Znate onu malu uličicu u Varošu o kojoj ko zna koliko več godin pišen,kako je beton cili ispuca,puna je rup,puna je trave i niko je se ne siti pokosit,e pa su u sridu nakon duuugoo dugo vrimena oto trave napokon pokosili,a onda su oni šta tamo stojidu vidivši da nakon košenja nikoga nima za pokupit,uzeli grablje u ruke i sami to pokupili,a reče koko,ma ča su oni tribali,sigurno su ovi…

Još tamo sredinon Velike sedmice oni ekran (radar) šta pokažije kolikon brzinon vozimo,koji ako je brzina nepropisna,antenon pošalje signal onemu semaforu kraj škole da upali crveno kako bi otega vozača natiralo da zakoči i ne prileti onin područjen navr škole,je nesta i do dana današnjega ga nije još vratilo,oli popravilo,meklo novoga,ako se onemu starome čako dogodilo…,a jema,sad če i više od deset daan,kako je oto ekrana(radara)nestalo,ostala je samo antena i…

Ima nikoliko daan da je dijal ulice Vrila,oni di se skreče sa Magistrale,kraj nove benzinske punpe,zatvoren,razlog,a zbog radov na onoj takozvanoj aglomeraciji-postavljadu se cijevi od vode,a zašto je zatvorilo za promet kad ima prostora za proč,jerbo ovo kako se radi nova punpa,vlasnik parcele,kako to več ide, se povuka onoliko koliko je potribno radi proširenja ceste,a pa se ljudi pitadu,zašto se najpri nije razbija oti stari zid i uz regulaciju semaforčiča,pa…

Nikakva,najbolje da priznate kako ste nemočni i ostavite se toga posla,jer čedu počet i za van pljucat,a ča je sad,pitan ja ovoga,a ništa,niste u stanju sredit niti da se pokosi trava u onoj maloj uličici u Varošu,a o betoniranju iste neču ni govorit,ono van je ogledalo.Eno je on svoje reka i ode ča… I ča je najgore od svega,kad san malo promislija,jema čovik prav,a šta je najgore,nisan jema nikakvoga aduta,za…

Nikidan san pisa oba onemu malomen osušenomen stabalcu kojega su posadili lani u jedanajesti misec,na misto di su mislili meknit ono polupodzemnoga kontejnera,a jema dva dana kako ga je izvadilo i na njegovo misto posadilo novo stabalce,ali ka ča znamo,sve ono ča se prisađije triba dosta vode za da se primi,a pogotovo sad kad su tenperature u ladu,evo govoridu da je danas 27 stupnjev,a malopri kad san proša okolo njega…