Jučera kad san doša na rivu odma je bilo prston put rupe kako je zakrpilo i da je nji pet došlo,a onda priče kako je ovi urgira,nije zbog toga,nego ovoga drugoga,a ko zna bili oto rupe i zatrpalo da jučera nisu bili u selo za asvaltirat oni kanal navr anbulante,pa je eto ostala koja lopata materijala i za ovo rupe zatrpat.

Opet rasprava po selu,a onda ideš smirit situaciju,pa to je sigurno radi grubega vrimena,a jeli,a ča doli u donja Sela ne pada kiša,biče Kaštila u tri vrimenske zone pa su tamo uspili meknit,a i koliko su doli toga mekli biče za nas nestalo,ma vidi sad tebe,ama čekaj malo,jesmo li mi Grad,jesmo,e i sad ako je doli u Lukšič u oni park meklo razna osvitljena čuda,to je isto ka u Split…

Evo,u petak je nas par ča smo se našli na Rivu reklo komunalnoman redaru,on je slika i sad triba čekat rezultat. A ča je najgore od svega jema nikoliko daan da su po selu iskričali oni takozvani suvi asvalat u rupe sličnu ovoj.A biče se ova kad su kraj nje prolazili, sakrila? Ili,sigurno mislidu ovde cili kvadrat ipo asvalta izrizat i novi meknit,jerbo je kako vidimo, sve ispucalo?Aha,sigurno.

Pitadu me u selu,a ja ka ono neznan o čemu se radi govorin jin,a oli ne vidite tri buketa,jedan od udruge Antifašisti i ona dva od Grada i Mjesnoga odbora,a da koga ja,da prostite, zajebajen,pitadu oni mene,a nikoga i mora sa sa njiman doč na lice mista i pokažijedu mi traku od jednoga i drugoga buketa di se vidi kako na oba piše grad Kaštila i okričedu se prema meni,a…

Ponašate se ka da nan je u selo sve tip-top,jedini nan je problem lišče šta u jesen pada,sa stabli na pod…?? A dobro,provava san ovu izjavu dešifrirat i padale su mi nike ideje na um,ali nebi ovde oba tome. Ovu sridu smo održali i otu dugoočekivanu prvu sjednica od našega Mjesnoga odbora,jemali smo dvanajst točak i zadržali se lipe skoro pa tri ure vrimena,a ja ču ovde oba onemu šta…

Ima nikoliko daan da su doli na Gojaču montirali nove sprave za vježbanje. Ima ji ča u nji gledadu ka u osmo svjesko čudo i vrtidu se okolo nji i gledadu,obamiradu ji sa svi stran,slikajedu…a jema i oni ča su se odma uvatili posla i u svi šesnajst baratadu sa otiman spravan…,asti oče se ovega lita po selu šetat sa mišič majican. Negoo,na spravan jemate i nike upute kako se…

Da ča je ovo,piše se kako doli u Kaštila plimajedu ulice,a o Sučurcu niko ništa ne govori,mi smo ničiji,govoridu mi ovi šta stoji u staromen dilu sela-getu koji je u utorak po ko zna koji put poplavija,a more ulazilo ljudiman u kuče,pa nastavljadu sa grinton dalje i kako koga od nji vidin u selo govori mi,a i ti ništa nisi napisa,ni slike meka,a do sad si cilo vrime pratija našu…

Led je učinjen,sređijedu se finese i do koji dan klizanje na Prokurativaman more počet.