Evo na,počelo je i drugo polugodište od nogometa,znate to je oni sport u kojemu dvadeset nji trče za mijuron sa ciljen da ga turnedu u gol,dokle oni ča stoji na branci od sebe čini šimiju za da bi ji u tomen naumu spriječija,a kad u tomen ne uspije i oni iz suprotne ekipe da gola,onda se nji jedanajst počmedu grlit i ljubit,a publika,oduševljeno skandira,dere se i veseli,naravno,to se dogodi ako…

Ka po običaju na prvi dan Nove godine na Spliske Bačvice padne i kupanac,u pličaku se igra na male branke,picigin,a jema oni ča kroza pličak samo prošetadu,pa da moredu meknit na društvene mriže,ka i oni ča se i okupadu,a da jin ne bude zima, vunenu kapu na glavi držidu…

Cilo vrime mi je ona moja govorila da smo mogli poč na Bebekov koncerat,a ja san se nečka,oču-neču,a ča ja znan,iša bi,pa onda nebi iša,kad jedan dan zvoni njoj mobitel,zovedu prijatelji iz Slovenije,vidin ja klima ona glavon,čujen je kako govori,aha,dobro,di,kad,u koju uru… E i kad je poklopila slušalicu,govori ona meni,e sad nima očeš-nečeš,zvala je Nataša,dolazidu u subotu na koncerat i to ti je to,astiii,sad moran poč trčat karte vazest,a ne…

Pa san tako u subotu moga slobodno poč do Poljuda vidit kako če to bit na Škorinomen predizbornomen skupu,nisan ka ovi jedan ča san ga sinja,slučajno tote,kako mi je reka, prolazija,več san tote namjerno doša,ka jema san i ja izliku da san malomen doša sa preplaton od Sjevera da mi dadu kartu za Istok,ma mi to ne triba,ka ovemu ča mi je reka da je on slučajno tote prolazija,pa ka…

Puno nji i nezna za ovu malu crkvicu o Svete Lucije,ali ti ne dadu gušta pa onda kroz razgovor očedu ispipat za doznat. A ka da je teško lipo reč neznan i gotovo. Crkvica je to,ustvari kripta, šta se nalazi točno ispod katedrale o Svetoga Duje,a do nje se dolazi sa južne bande katedrale pa se sađe niza skale i sa jednin uskin hodnikon dođe do crkvice u kojoj se…

Nakon šta je Željan  prije dva ipo miseca od strane presjednika HSP-a Karla Starčevića imenovan za povjerenika za Splitsko dalmatinsku županiju,sinoč je HSP Splitsko dalmatinske županije na izbornome zboru bira novo vodstvo,a Željan Jurlin izabran je za predsjednika.

Ka i protekli godin i sinoč je Spliska Torcida napravila kolonu sječanja, za 28. godišnjicu pada Vukovara, koja je kako su se krečali prema krajnjemu cilju,do murali na Sučidru, bivala sve brojnija,a na križanju Bušićeve i Vukovarske ulice iz par iljad grli prolomilo se,Vukovar,Vukovar…   Inače sve ove murale napravljene u Vukovarskoj ulici, koji prikazijedu razaranja, događanja,patnje… stanovnika Vukovara u koje je uloženo puno truda, ljubavi,vrimena i strpljenja učinili su…

A proslava je bila u subotu na utaknici Ajduka i Slavena Belupa na kojoj je oni drugi Ajdukov gol bija ništo ča još nisan vidija,najpri su oni napali nas,a oni naš vratar isto ka da je zaboravija zašto je tote,pa je bija malo daleko od svoga “radnoga mista” branke,a kad je vidija da balun gre prema njoj, zatrča se i jedva nikako čudno zavrnjenon rukon, uspija izbit balun kojega su…