Kako je u nedilju pala ona murva na pazaru,tako su iz grada po portaliman novinan,niko govori i na televiziji izašli sa podaciman o radoviman koji bi se tribali tote radit,pa se međuostalin tote moglo pročitat kako če se napravit i nova česma,sigurno bi uz banke i ona tribala bit kamena,jerbo se od izvođači radov spominje i Jadrankamen. E i sad od kako su Sučurani pročitali to česma,sad je to udarna…

Ili kako bi stari volili reč, je nan “lajedu”! Znate ovo ča sa sjeverne bande ceste radidu korniž i cestu,e i znate za one kabele ča su smotani jema več i dvadeset godin virili iz zemlje i stali uza zid,e to su kabeli koji su podzemno tribali doč do kuč od vlasnikov koji su onda ustupili mukte zemlju i kojima je uz podzemno dovedenu struju tribalo još spojit i kanalizaciju,taki…

Nakon ča se je na ovo misto učinila rupa, došli su ispilali asvalat bageron to sredili i nalili betonon,neka jin je žena ča tote stoji rekla da je doli nigdi pukla cijev od vode koju triba popravit. I evo na,pinezi su se na radove i beton potrošili,za da bi se sad opet kopalo za učinit posal onako kako triba?

Je,je,čulo se danas puno “lipi” besid nakon ča je od velike kiše i ono vitra pala ova jedina jedna murva ča je  ostala na našemu pazaru,a di neče,potkopalo joj je žile,a ostavilo jedro (čitaj krošnju)od jednu sedandesetak kvadrati,isto ka da na temelje od kokošinjca napraviš neboder,a eto,iznenadila ji je kiša,malo je potopila okolo,a i nije zeman od vitrov,pa je ka normalno da se je otoliko stablo tako nezaštičeno ostavilo,je,je,vidi se…

Evo na,nakon, niko govori šezdeset i pet,niko sedandeset godin,pazar je danas potaracalo.

Ka ča znamo radovi na cesti od Gospice do anbulante tribali su bit gotovi tamo do kraja petoga,a po novomen to bi tribalo bit do kraja ovega miseca,jerbo,lipo zvuči da je danas napokon asvaltiralo onu gornju traku od ceste,ali, sad triba sredit i donji dijal ceste,jerbo triba učinit livejal,tj.nagib za da bi voda odila u šahte koje su napravljene sa sjeverne bande ceste,tako sad triba meknit one rubnjake sa donje…

Bilo je glavno pitanje danas. A to bi se sutra tribalo krenit sa razbijanjen,tako da pazar ovaki kako ga svi znamo ide u povijest,a kakvi če bit novi vidičemo,ali san siguran da če bit oni kojiman če se svidit,isto ka i oni kojiman neče. A eto nikad nije kasno,ovi radovi su tribali bit tamo u treči misec pa su od nji odustali i evo ji na sad,a oče li to…

Jučera okolo dvi ure zovedu me na mobitel da dođen vidit ono potoka kraj anbulante,voda je bila ka mliko,a kako potok tote ispod Đardina ulazi u more,a puvalo je jugo tako da se i lipi dijal mora,sve do Gojače bilija.Koji je razlog da se nešto ovako dogodi, niko od oni koje san kontaktira nije zna odgovor,da je padala kiša možda bi i postojalo koje logično objašnjenje,a ovako je to vrlo…

    Nečemo o dnevniciman i imeniciman koji če doč u škole za jednu desetak daan,jerbo ji je iznenadilo,pravilnici su se minjali tamo u peti misec pa je po njima tribalo činit nove,a lito je naglo izletilo. Nečemo ni o cirkusu sa autan isprid naše škole koji je posta normalan,a pojedinci uporno parkiradu upravo na pješačkomen isprid škole,jer samo su oni i njiovo dite bitni,a kako če drugi briga ji…