Pljuca se na ovega i onega,govori da oli nima niko za potegnit ovo pitanje i da neka ja o tomen napišen koji redak. Evo san na,napisa. Sad če to bit kako se to u nas reče,ka rukon odneseno.

Evo na,proša je evo i četrnajesti po redu Mašokarič.Naravno, kako to več u našemu selu biva,dokle se “oni jedni” sa ovon utrkon od karič izrugijedu,a jema i oni ča se tote nikako ne smidu pojavit.Na ovi događaj zna se skupit i okolo sedansto osansto svita,dok novinari, fotoreporteri,kamermani,…, bude ka u priči,(npr. RTL je to meka u svoj dnevnik), a sve skupa dokle prvi dođedu na cilj traje okolo sedan minuti,koji…

Evo san ja pinkicu osvitlija:

I ove godine je bija ka ča je to več dugogodišnja tradicija samo oni desni bakalar,Matelin i to na brujet i oni na bilo,dokle se je oni livi bakalar ča su ga, ka ča se to po selu govori, na sve načine tili nametnit, jednostavno udunija,evo več druga godina kako ga nima,moreš ti jemat pinez i kupit deset kili bakalara i skupit dičicu iz razni udrug da ti činidu štimung,…

Nakon ča je jučera maklo onu staru instalaciju za dičju igru sa koje su skinili veliki tobogan za napravit ga,jerbo je malo puka,danas je na to misto meklo novu instalaciju sa toboganon koji je kako san jučera napisa veči,noviji,a ono lipši je malo diskutabilno,ali je na oko vidljivo da uopče nije sigurniji od onega ča je prije bija i na kojega su se bez problema mogla penjat i ona najmanja…

Odma na početku. Niko nije ukreja one ostatke od tobogana ča su do danas bili u parku. Radnici graskoga Vlastitoga pogona su dobili zadatak da ga moradu razmontirat,a razlog je ti da če zamisto njega doč lipši,veči,starij… upss.pardonček noviji od ovega ča je do sad bija,a to bi tribalo bit več sutra. A dobro,nije ni to daleko.

Posluša san snimku sa zanje sjednice Graskoga viječa Kaštili di mi je za uvo “zapelo” pitanje viječnika Željana Jurlina koji je postavija upit, da zašto se još nije napravija oni tobogan u parku koji je skinut i odnesen na popravak u četvrti-peti misec još prošle, 2016 godine? (pogleda san u arhivu to je bilo početkon šestoga miseca 2016 godine,znači jema cili osamnajst miseci). A na to je usljedija odgovor Gradonačelnika,…

Sinoč je u vatrogasciman bilo prilično veselo jerbo su se dica mogla družit sa Dida Mrazon koji se uz vatromet i pahuljice sa saonicaman spustija do dičice i podilija jin darove,još su tote bile i žive jaslice oko koji je za napravit ji, tribalo uložit puno i vrimena i truda i ljubavi.

E,a lipo izgleda,još ji triba ispolirat,da se kamen ne bude šporkat,ali postavlja se pitanje nog od stoli koja su betonska,pa sad to malo čudno izgleda,a onda je niko reka da čedu sigurno noge obuč u kamene ploče,a ovi drugi da neče,a kako znaš,a lipo,da su mislili onda bi to napravili pri nego su stavili ove ploče,lakše je,a isto tako da su ji mislili meknit, onda nebi strišali kantune od nog,a…