Da kako nisan meka da su pri nikoliko dan makli ona gvožđa ča su virila iz betona na kornižu odisprid Bonbardeli. A ča ču napisat? Da je niko napokon nikome naredija da oto sredi pa da ljudi više ne zapinjedu? Prije: Sad:

Reka je da nije i ode on učinit svoju dnevnu rutu:

  Ja san,e nisi ti nego ja,ma di si učija matematiku, nisi ti nego ja,nije nego ja,ja,nije nego ja,ja,pa opet ja…,a kad ono nisu pobjednici oni sa 59 glasov,nego oni ča jemadu 19 glasov,a kako? koja je to sad matematika?a eto ta,glavni pobjednik izbori je oni bez kojega niko ne more formirat vlast,eto ko. Evo na, završili su i ovi izbori i zamisto da se sad sve lipo smirilo, tek…

Evo na,ove godine je ča se tiče maslin sve krenilo kako triba ,iako su bili govorili da je moguče da ji ništo izbuža,prošli smo lišo i nakon onoga od lani kad se nije moglo ubrat njanci jedne masline, niti za izist,a kamoli za ulje učinit,ova godina je bome darežljiva,jema maslin da če ljudiman učinit oni slatki problem, jer če se tribat mislit di če sa uljen. A isto tako je…

Pitaju me to u selo i onda ja moran svakomen pojedinačno objašnjavat,ali za u buduče da me više ne fermajete evo ču ovde napisat jer među ostalin vidin da kružidu krive informacije za koje neznan ko ji plasira,mogu samo sumljat,ali pravo da rečen ni me ni briga,jer,istina je uvik jača od laži. Znači vako,nakon šta se Viječe roditelji škole pri dvi godine pismon obratilo,a posli tražilo i razgovor kod dogradonačelnika…

I ka ča ste to mogli u ovu subotu vidit na televiziji Lana Rubelj pivala je u finalu RTL-ovi Zvjezdic u kojemu je između okolo iljadu prijavljeni došla u najuži krug od nji dvanajst,a tek jon je osan godin i kako su to članovi žirija rekli,a i mi sami vidili, Lana je čudo od diteta i ka ča san več prije bija napisa, opet ču ponovit da je Lana več…

I onda je Bare pita Karamarka oče li mu dat šal? I Karamarko je skinija šal i da mu ga. Pa je onda Bare pita Karamarka oče li mu se sad lipo na šal i potpisat? Pa je onda Karamarko vazeja penkalu i potpisa se na Barin šal.Pa je onda … Pa su onda Karamarko i Tona-Iskreni o ničemu pričali,ali tiho, šapljali su,tako da ništa nisan moga čut?

Jema dva dana da je na platou od punionice Adria plina smištena starinska vatrogasna auta (Magirus deutz) koja je postala glavna atrakcija,svako ko prolazi vadi mobitele,aparate,tablete,ipadove… i slikaje ovo čudo od vatrogasnoga auta koje je napravljeno 1950 godine,a vlasnik Adria plina ga je kupija na jednoj licitaciji-dražbi. Auta je prošla pedesetak iljad kilometri, još uvik je u voznomen stanju,a večina djelov je originalna,ka i one drvene lojtre ča su gori…