Znate oni put ča gre prema Pevecu i Emezeti,a ča su ga jema niki dan podigli i asvaltirali,jer bi se posli svake malo veče kiše tamo zadržavala lokva vode,e pa tamo je danas uza kraj otega puta jedan naseja sa Golfon jerbo očito nije iša za otin da je to sad visoko u odnosu na pri tako da je osta ni vamo ni tamo i sriča da je tote prolazija…

U ponediljak u sedan uri uvečer u našoj župnoj crkvi održat če se misa za Fra Bernardina Sokola nakon čega če se procesijon doč do njegove biste di če se dat odrišenje, položit cviče i upalit sviče. Istoga dana če između Badije i Orebiča u spomen na pogiblju Fra Bernardina u more bit bačen vijenac.

Ovu prošlu sedmicu na sve bande se bralo grožđe jerbo kako ovo zovedu niku prominu vrimena i kišu ljude je straj da uz put ne svrati i krupa i sve gre kvragu pa ča je siguro,siguro, neka stoji u konobu,a i nima se više ča čekat ovo lito je lipo bilo upeklo i gradacija mu je u odnosu na lanjski osamnajst jerbo je cilo lito padala kiša,ove godine 21 grad.Jučera…

Gradovi i opčine sve to očedu držat nikako zakukuljeno,ča po onoj novoj popularnoj besidi oče reč nisu baš transparentni za animiranje građani po ovomen pitanju. Buđet, oli ti ga proračun nikoga grada oli opčine je dobrin dilon unaprid definiran,a oni dijal ča nije postoji mogučnost da ga mi građani sa svojiman prijedloziman o prioritetiman koji su nan u selo bitni za šta kvalitetnije življenje definiramo. To se zove praksa participativnoga…

Danas se na sedme susrete Tomosovi motori u Sučurcu na rivu skupilo tridesetak šta kooz,zikov,automatikov,remenkov… di su se natjecali ko če brže,pa ko če sporije doč,pa su se malo vozikali,puno družili,podilile su se nagrade,izili kroasani,picete,krafne,sladoledi,pa je svako dobija zahvalnicu i na kraju svega najavili da se vidimo opet i dogodine.

Tamo na Novomen putu,točnije di je oni novi pješački prilaz od škole prema Varošu niko se ili junačija ili turnija auton ono znaka ča govori da je tote pješački prilaz. Zanimljivo je da jema več par dan da je to ovako,a bilo bi dobro da koko reagira jerbo se more dogodit da znak padne i nestane ka ča je jedan put več bija nesta,a u ponediljak počimlje škola i nebi…

Pri niki dan san u selo vidija Željana Jurlina,viječnika u Sučuračkomen Mjesnomen odboru i o čemu čemo nego o spomeniku paliman braniteljiman iz našega mista oko kojega se digla velika prašina i još uvik se po selu naklapa zašto na njemu nema imena poginuloga Lorana Šulentića iako se nalazi na centralnomen križu na Malačkoj na kojemu se nalazidu imena svi poginuli i kojemu je u Gradskoj viječnici postavljena slika uz…

Sinoč je u naše selo održan četvrti po redu Mašošef na kojemu su spizu kuvali veliki stručnjaci iz našega sela i bliže okolice,a kako je več nakon ure vrimena sve nestalo jema bit da je to bilo dobro,jerbo su se i teče lizale,a čije je bilo najukusnije odlučija je žiri sastavljen od oni ča su kuvali uz pomoč vanjski suradnikov koji su donili odluku, da četvrto misto i set noži…