Jutros se počelo sa radovima okolo temelji starega kanpanela di se mičedu one tikvurine i radidu stope za šentade ča če tot okolo doč. Evo vana na slike,a za ostalo texta ča se sve jutros govorilo čete pričekat jerbo ja gren na rivu. Evo me na. Zanimljivo je to jutros bilo u nas na rivu kad se je počelo sa radovima okolo uklanjanja tikvurin,bubamar … ili kako ji je sve…

Danas su se okolo dva i deset popodne na onemu semaforu navr škole sudarile dvi aute i to kako govori čulareklakazala ovi jedan je na semaforu kočija i kako je ono bila kišica i klizavo auta je proklizala i završila na drugu bandu ceste pa je opizdila u autu šta je odotamo odila.Nikome nije ništa bilo,a “platila” je samo limarija i još je sriča da je prošlo dvi ure kad…

Od danas 24.pa sve do 29. ovoga miseca ko oče more poč u niku od staniic tehničkoga pregleda i besplatno vidit je li mu limeni ljubimac sto posto ispravan. To bi bilo lipo učinit da vas ne iznenadi ka nikidan jednoga ča mu je u selo stalo auto jerbo mu se odlomija krajnik pa se nije moga mrdnit. Inače, ako van nađedu koju grešku nemate nikakvu obavezu za sredit je…

Ka ča je to Ivan Kovač-Matela na temaskoj sjednici ča se ticala one šljake i pepela u Jugovinilu danas reka,da pedeset i osan godin on sluša priče o otoj radijoaktivnoj šljaci i riban sa tri glave ča plivadu tot u moru,a sad na jedan put ispada ka da se to niko šalija i cile ove puste godine nas drža u zabludi. Da priči,a ko od Sučurani nezna za oto,a sve…

Sinoč je u našoj župi održana Misa za stradale u Vukovaru i Škabrnji posli čega su Sučurani krenili prema ulici Vukovarskih heroja di su zapalili šterike. Sinoč je u Splitu Vukovarskon ulicon koračala rijeka ljudi sa šterikan u rukama koje su položene uz murale nacrtane na sjevernomen zidu uzduž ulice koji zorno prikazuju ondašnju stravu Vukovara.Koje kad gledate kroz vas prolazi ka neka jeza i preporučija bi onima koji još…

Ovo je dan sječanja na stravični događaj pada Vukovara i Škabrnje. Dan kad se diljen zemlje palidu sviče i odaje počast gradu Vukovaru. Sučurani če se na svetoj misi koja če bit u šest uri popodne pomolit za nevine žrtve posli čega če u procesiji krenit prema Ulici Vukovarskih heroja di če položit upaljene šterike,a Spliska Torcida organizira kolonu sječanja Vukovarskon ulicon koja če krenit od zgrade bivše opčine pa…

A lipo. Sa svi stran je izvirala voda,ulicama su tekle rijeke, pojedine šahte su se zaštopale,a stara cesta nan je na pojedina mista bila ka bazen.

E,a ovi gori naslov šta san napisa prepisa san sa žute kartunske narukvice(za koje je jedan reka da paridu ka one žute trake za muje ča se mečedu na masline) šta smo ji dobili na spomenutomen vinčanju koje se ove subote dogodilo u crkvici samostana Sv.Ante u Poljudu šta je dodatno začinila ženska klapa Štorija koja je otomen svečanomen činu dala “ono ništo” ča se ne da ričiman objasnit,več samo…

Danas se malo prije jedanajst ipo tamo kraj onega semafora na Orišcu (pedesetak metri od njega) dogodila saobračajna nesriča.Ko nezna to je oni semafor na raskršču koje se nalazi prije onega kraj vatrogasac, u traci sa sjeverne strane iz pravca Solina prema Kaštiliman. U nesriči su oštečene dvi aute i motor,a motorista je pribačen u bolnicu. Šta je točno bilo pokazat če istraga,ka i uvik postojidu razne priče,a znamo da…