Ajme meni ča su me satrli ovi par dan od kako je bager započeja pa onda iša ča i ostavija ono doli bidne plaže na Sokolani još gore nego ča je bilo. Udrilo po meni sa svi stran,a ča je a,ne pišeš više o onomen a?sliza se i ti š njiman a? ajde kvragu ti i ko se sliza,a ča ču pisat kad mi je čulareklakazala da čekadu da malo…

Na vanjskomen zidu prostorij kluba navijača Sučuračke Torcide na Gojači osvanija je novi grb od Ajduka i Torcide u jedno o kojemu su odma krenile razne rasprave. I tamo se kraj prostorij od ribari grata zid i priprema teren za novi crtež. Grb je napravija Duje Luketin

Po selu se govori da kako se ni ovu godinu niko nije sitija ispod ploče stavit vijenac oli buket cviča. 1. lipnja godine 1991 u Kaštel Sučurcu je osnovana postrojba „Putalj“ kao sastavnica 114 br. prve pričuvne brigade Hrvatske vojske. Ratni put i zadače postrojbe od njenoga osnutka bili su uvježbavanje i obuka u rukovanju oružjem i eksplozivima stanovnika svih sedam Kaštili,sigurnost ljudi,imovine i ostalih važnijih institucija u gradu. Prve…

Znamo svi da je ona zapadna ulica kraj naše Osnovne škole bila dvosmjerna,a ka takva bila je velika opasnost za sigurnost dice pa se onda od nje učinilo jednosmjernu-samo prema doli i opet se vozilo prema uzgor,pa se mislilo da kad se meknedu parkirališna mista da se više neče odit prema uzgor jerbo bi parkirane aute tribale bit ka fizička prepreka da se ovi odozdala uopče uputi prema gori,ali ni…

Ono mlado stabalce ča je bilo slomiveno na Sokolani je popravljeno. Izmotalo ga je sa ničin crnin pari ka nika folija tako da san u početku mislija da se to koko igra,a onda san se sitija da jutros nije bilo oni taklji okolo,a sad ji ima pa po tome znači da je stabalce tokon dana niko popravlja,a mi čemo naravno gledat kako če  teč oporavak. I za one ča su…

Vadi se oni zid i više nečedu tribat gojzerice za ulazit u more.

Ova stablo na Sokolani je okončalo svoj mladi život. E sad je li to djelo divlja… vandala ili je to vitar učinija jerbo ka ča vidite na slikan jedino ovo stabalce nima okolo taklje da ga drži ostaje enigma?

Iako su Spliske Bače zamalo pa pune ka usrid lita u nas na Gojaču tek se stidljivo pojavljije di koji kupač,pa san pita onega moga da je li more teplo,a je je ne more nego tako,a eno ga od jučera je potrošija 228 plus ova ča sad s njon tare nos=229 papirnati šudariči,a ko zna na kojemu če se broju fermat. A ča bi bilo da nije teplo?

Satrali su me sa pričan ove dane, di bi se ko u selo maka govorilo se o utaknici Jadrana i Šibenika i da če Jadran ako izgubi ispast iz lige,a ovi drugi govoridu da ako i dobije,ča nima šanse da dobije ope če ispast iz lige, pa govorin gren i ja na utaknicu vidit ča se to događa. Ka prvo na ulazu u igralište prolazi Filko u ono auta čudi…