Jučera kad san iša malo na Gornji grad (u Zagrebu) vidit zgrade u kojiman se krojidu zakoni za naše bolje sutra najedan put me prenila nika explozija. Ča je sad? a da nije koko…? nije,to je bilo podne i ono mižerje o Gričkoga topa je opizdija jedan lipi plotun tako da je ono stranac okolo gledalo ča se to sad događa,e,a i odmar san se sitija,ma čekaj malo, jemamo i…

Sučurac jema još od davni godin jednu funtanu kraj stare škole,pa jednu na Novomen putu, i još jednu u Varošu,a da ne zaboravin onu jednu u Getu,a i tamo nasuprot stare Sokolove kuče i zanimljivo je to da di se ko maka u mista koja su u prošlosti jemala take funtane moreš odvrnit špinu i napit se vode.A zašto se to u Sučurcu ne more? Niko je bija objašnjava da…

A je puno je dima,a kako je to sinoč izgledalo i okle sve dimilo pogledajte sami Kvalitetu slike ne gledajte jerbo je jedva i ovako ispalo Sinoč okolo ponoča manje deset:

Sinoč je Gospojska štrada bila tisna za sve one ča su došli poslušat klapu Podvorje tako da je osin okolni skalinadi i Glavica bila krcata svita koji je doša slušat Sučuračku klapu kojoj je ovo peta godina postojanja.Emotivno je to sinoč bilo i iz razloga šta je jednome od članov Antoniju Jerčiču koji je u klapi od samoga početka oto sinoč bija zanji nastup jerbo ga životni put vodi daleko…

Danas u sedan uri popodne užežin Velike Gospe Sučurački vjernici su od župne crkve SV. Jurja procesijom došli do Gospe na Hladi di je održana sveta Misa.

Svako malo u selo me pitadu za niko videjo ča jin je reklo da ga je koko gleda,a ne moredu ga nač pa sad evo ka ča su mi rekli da stavin sva videja na jedno misto san tako i učinija pa evo ovod ta videja,a isto tako ji morete cilo vrime nač na onu gori plavu traku di piše videja.

A evo na: E dušo,a ča je sričo moja,ovako je iša početak razgovora kad me je moj prijatej Marijo „sekretar“danas nazva. A ča je reč da nisi ništa napisa o onoj večeri u subotu ča smo je činili,a nikidan si o oniman ča itadu plovke jednu trista stranic učinija (odma me napa) E a ča ču ji nego pofalit da je baš dobro kako su se toga sitili,a i ča…

@iskrenomen fala na videju

U noči sa utorka na sridu niko je odija selon i od mula priko banane pa uzgor sve do pošte sa nikin oštrin predmeton vuka rige po parkiranin autan,a na nikiman da se potrudija pa je i cilu haubu iscrta,e sad koliko je točno aut stradalo neznan,ali se po selu spominje brojka od dvanajst,pa sve do dvadesetak,a je li oti bija sam ili je sa sebon jema i naučnika pokazat…