Pa ka od jučera je ova vijest,palo je oto stupa jema,a stavičemo dvajstipet daan,iako u priči po selu jema oni ča govoridu i misec daan,a ima ji i ča in pari više odo toga… Ka ča čete vidit na sliku,pa je jer ga je izija zub vrimena,ča oče reč doli u dnu je izgnjija,dobro je da nije koga poklopilo. Ali to nije sve,nakon ča je pa,meklo ga je na ono…

I dok u selu ima ulic di ljudi stojidu i tili bi da se sredidu kako bi imali normalan život,(rasvjeta,asvalat…)ove dane pročula se vijest kako če Grad kroz područje Blati činit niku sasvin novu cestu,a nema ga ko tamo stoji ili jema parcelu, da nije bija iznenađen,kad su čuli di če oto ceste ovamo iz sela krečat,kud prolazit i di se na Starčevićevu prikopčat? Na pitanje osobe koja je to…

To se prije tri dana dogodilo na onemu semaforu iz pravca Splita dvistotinjak metri pri vatrogasac,koji nije triba bit tote,a nikome u selo nije jasno šta se čeka sa gašenjen istoga,šta triba namirit određenu kvotu stradali,pa če ga onda udunit?? Opet se po selu krenilo sa pričon kako je tote po projektu ispod Magistrale triba prolazit podvožnjak nakon kojega je cesta sa južne bande put zapada,tribala prolazit ispod vatrogasnoga doma…

Raspisalo se po društveniman mrižan o dimu,mene u selo napalo da kako ništa oba tomen ne pišen… A je li kome palo na pamet da bi to mogla bit para??

Jesan vidija san,učinilo se to koji dan pri Svi Sveti,a da jin pošaljemo bonbonjeru jerbo su se napokon sitili da i Sučurac postoji? Ma zamisli,zalipilo je,ne miritamo novu kamenicu… A sad pogledajte ovo ča san lani u osmi misec meka,usmjerite pažnju na to isto korito,pa tako sve do sad… naslov: Da oli nisan vidija kako je prid Veliku Gospu izgledala punpa na groblju Postavio:admin Datum:August 20, 2023 9:01 pm Jesan,vidija…

Debelo smo zagazili u jedanajesti misec,a komarac ka u priči,malo ča su nas satrali ovo lito,ali da če nas ovako trat u jedanajesti misec… Ovo roja ča čete vidit na slici uspija san slikat prošlu nediju kad smo brali masline,a bilo ji je bar desetak,na stotine nji u svakomen, lipo vrime,vruče za poludit,obučen u kratke gače i majicu lupan se po nogan i rukan,ma ča me ovo grize,kad ono komarci,sriča…

Sinoč je Sučuračka Udruga navijača Hajduka na Gojači proslavila sedandeset i četvrti rođendan Torcide.

  U petak je Željan Jurlin isprid zgrade od opčine održa konferenciju za štanpu di se osvrnija na sve ono ča se do sad događalo okolo radov sa južne bande Kozjaka za potribe pristupni ceest za buduči tunejal koji če tote izlazit. I dalje je upitnik zašto su ti radovi počeli jednoga vikenda di se radilo pod reflektoriman do kasni nočni uri (jedanaest ipo uvečer)bez ikakve tabele koja se inače,na…

Neznan koliko znate,ali ova biljka koja se ustvari zove Planika šta daje jestive plodove je našla svoje plodno tlo na padinama Kozjaka,baš u našemu selu,reče koko,a ka da je nima na druga mista,jema,ali npr. na ovome području Sučurac se jedini more pofalit količinon ote biljke koja more narest i do desetak metri visine,a šta se ove strane Kozjaka tiče,osin u našemu selu,još se sramežljivo more nač okolo Lukšića,di koja na…