Jedna od najprometniji ulic kako autan,tako i nanoge,jerbo je to ulica koja iz sela gre prema anbulanti i apoteci i svi znamo,pa ka od jučera, kako je tote bilo uvečer za proč nanoge i oni sa najboljin vidon su čorali,jerbo je od jedne do druge žarulje bija razmak od jednu osandesetak metri,a oti problem se dugi niz godin drža u škafetinu,a jema dvadesetak daan da je napokon i on ugleda…

Ka prvo za one ča neznadu, objasniču ča u prevodu znači ovi naslov,tako da znadu. Ovo je ti lajedu,je mu lajedu,je nan lajedu… je preneseno značenje za onega ča mu pritiče-nezna di če sa pineziman,uzalud ji baca… Kako se na sve bande kopa jerbo je Evropa kanalizirala sredstva da napokon u dvadeset i prvomen stolječu svi u Kaštila dobijedu pitku vodu i kanalizaciju tako i u selu morete na dosta…

Jema i dvadesetak daan da me je jedan kad san doša gori na groblje,deboto pa vazeja za ruku, doveja isprid oni južni vrat,pokaza prston prema detektiranomen problemu i reka,vidi kako su ispucale ove nove fuge,a razlog su,kako mi je reka,ova dva čenpresa ča stojidu sa jedne i druge strane vrat i on meni sad to govori,jerbo mu je reklo da mi reče,da ne bude kasnije,kad budedu ispilali čenprese,da ji ja…

Kako se bliži blagdan Sv. Jure Mučenika-zaštitnika našega sela nekoliko župljani i Udruga „Stina pradidova“zanji nikoliko daan počeli su sa uređivanjem prostora starega Trpimirova sela-Svetišta Sv. Jurja na Putalju. Pa su tako Željan i Tonči dokle su ova tri dana popravljali razbivene šentade,imali sve moguče vrimenske prilike i neprilike,počevši od sunca koje je peklo da si moga u kratke rukave stat,kiše,vitra ča je sve okolo sebe nosija,a malo ko je…

Priroda nan je još jedan put pokazala da protiv nje nikako ne moremo. Prošle dane smo se golacali,a onda grom iz vedra neba,prognoze su govorile da je snig moguč i na moru,naravno,odma su počeli razni komentari,pljucalo se na prognozere,ali su sinoč ipak svi bili u iščekivanju sedan uri uvečer kad su najavili oto nevrimena koje če se počet događat,a bilo je na brzinu i puno gadno,ka da se je Armagedon…

I da posla čistačicaman. Ovako je to jutros bilo isprid naše Osnovne škole:

Još tamo prošlu sedmicu doli na Rivu nan je meklo ono nacrtano jaje,pa je odma počelo,a ča je sad ovo i jaje su nan prid izbore mekli,a zanji put je to bilo pri osan godin,a ovi drugi govori da nije nego pri sedan godin,a ma čekaj malo,uključija se treči,ta jaja su nacrtana 2013 godine,sad je ovega napalo,ma vidi pametnjakoviča,sve znaš,a ovi jin je pokaza na enciklopediju (internet) evo na vidi…

Jema dva dana da je na Gospicu isprid oni zgrad di se nalazi travnjak,posadilo dvi palme,čini mi se da su Vašingtonke,jerbo su se one pokazale otporne na onu palminu pipu.