Ča se u nas u Kaštila tiče,mi smo to lipo sve u prvomen krugu riješili,očemo mi sad čekat još petnajst daan,pa opet činit troškove za drugi krug,mi u Kaštila smo racionalni,a i ne volimo gubit vrime,ovako če se lipo ča pri formirat nova vlast i odma krenit  gradit dalje, jerbo obečanji je bilo puno i triba zavrnit rukave,a mi,građani čemo pratit kako če to ič. Dakle,novi-stari gradonačelnik je Denis Ivanović,od…

A to biče pop čini predizborne radove,a ča če popu predizborni radovi,ka da je on u politici,a šta su onda počeli radovi par daan prid izbore,sve je danas politika…bila je pri koji dan prepirka doli na Rivu kad se ugleda bager kako kopa isprid crikve,a po čulareklakazala,ono ča ja znan,tribali bi bit radovi za popločat dijal isprid crikve,zajedno sa skalan,a oče li uz ove radove ča se sad činidu bit…

Ovo kako su ove godine lokalni izbori opet se krenilo sa projektiman uređenja Sučuračke Rive i to ne samo rive,več projekat uređenja konpletne obale,naravno,ovde ne ulazi šetnica koja bi spajala Sučurac sa ostatkon Kaštili,nju su stavili po strani,ona ča bit neka tamo posebna tema,vrlo zanimljivo,isto ka da oti dijal ne pripada Sučurcu? Ali dobro,uvatimo se mi sad ovega za šta su idejni projekti napravljeni,kad je nan iz Mo-a to bilo…

Meni di su mi oti kontejneri za iskričat glomazni otpad? A ča je sad? A ovi jedan iša je u utorak okolo jedanajst uri bacit, kontejnera nije bilo,ovi drugi okolo podne u sridu,pa ga opet nije bilo,e onda san ja iša danas u četvrtak u deset čako itnit i bija je,ali ga iza podne nije bilo,a sad zašto,ča se događa,zašto ga odnesedu,a ne bude nakrcan,zašto ako i bude nakrcan,ne odvededu…

Danas san učinija đir priko rive i doli uz more,pravac prema Bobisu vidin ja priko oka da mi je ništo neobično,pogledan malo bolje,asti,a ča je ovo između dvi šentade,isturena prema naprid,biče da bude uočljiva,stoji nika klupa,gledan,trljan oči,asti pa ovo bi tribala bit ona takozvana,pametna klupa,nije ista ka one ča ji je meklo po Splitu,jerbo je prostor di se sidi učinjen od drveta,a sa strane stoji panel,koji otu klupu čini pametnom….

Ovo kako je nikidan izašlo u javnost da če se u Kaštila krenit sa provavanjen pet ge (5G) mriže,ne stišajedu se priče,a di če to bit,kad če to bit,kako če to bit,pa me tako ne pristajedu vuč me za rukav di je stalo,zapelo,je li ko odgovorija ili šta je uopče sa onin pismon ča se poslalo Gradonačelniku sa potpisom okolo stoosandeset i pet građani našega sela zbog postavljanja antene na…

Evo je ove dane godišnjica kako je plaža Sokolana oslobođena od izlivanja govan koja su dolazila od jednu četrdesetak kuč iz pravca Peci. Mislija san cilo vrime kako če se ovi iz bile zgrade kroz svoje propagandne novine Kaštela info ili svoje službene stranice oglasit da su se Sučurani ko zna koliko godin ipak kupali u govniman i da ja nisan samo tako širija dezinformacije i laži,pa san isto tako…

U sklopu akcije lipa su lipa moja Kaštila do kraja sedmice-svaki dan čete moč itat ono ča jemate od glomaznoga otpada,a kontejner če po običaju bit doli isprid crikve.

Za jučera je kod naši ribiči bilo predviđeno natjecanje u udičarenju,ali pošto je ujutro kad je to sve tribalo krenit puvala velika bura,onda se to odgodilo za drugu subotu,ali pošto se sve,pa i spiza pripremilo za ovu subotu,onda bi bilo šteta da to propade,da se nedajbože usmrdi,do drugoga puta,pa su oni to lipo ča su jemali ispekli i izili,a u drugu subotu če naravno,učinit reprizu.