Sam sebi več postajen dosadan koliko san puti več pisa o tomen kako nan govna na sve strani u more gredu. Pa onda jema oni ča očedu oto ublažit,naravno,to su oni ča jin je sve ravno i briga ji za bilo šta,gledadu samo sebe i kako če skočit sa jedne na drugu,onu malo veču poziciju od one na kojoj je sad,pa ti znadu reč, kako smo najedan put svi postali…

Reka mi je nikidan sekretar o maškar Marijo kad san ono bija pisa o fešti ča su je učinili planinari da nisan objektivan,a onda san od njega prova izvuč ča bi po njemu tribalo bit objektivno,da mi on sad ovde reče ča bi triba napisat,pa bi valjda bija zadovoljan,a ja eto,da ne ispadnen opet neobjektivan,ču,samo slike,bez besid meknit,a mislija san se sve do sad bi li i nji meka,jerbo mi…

Danas popodne komunalni redar je uzeja ključ trinajst,odvida i odnija ča oni znak o zabrani kupanja ča je jema šest,a niko če reč pet daan, sta na Gojaču.Pa se lipo tamo opet morete banjat.E.

Ka ča več znate pri nikoliko daan je obavljeno ispitivanje mora na kojemu je na pet Kaštelakski plaža nađena bakterija ešerihija koli i dobili su ocjenu,nezadovoljavajuče,ča oče reč da to i nije baš za kupanje,a najnovije je ispitivanje pokazalo da je odo ti pet plaž,sad na tri more izvrsne kakvoče,na jednoj je bilo dobre kakvoče,a na našoj Gojači je more i dalje nezadovoljavajuče,tako da je meknuta tabela o zabrani kupanja….

Najpri su se našli na rivi,doručkovali,zapalili šteriku palima braniteljima,pa su išli do Splita,kasnije se opet vratili u Sučurac i po običaju tribali su se na Gojači okupat,šta ovu godinu nisu mogli, jerbo je zbog šporkice meklo znak zabrane kupanja,pa su onda obidvali…

Jutros je na Rivu,po ko zna koji put izlazila kafena fleka,a i vonjalo je,ali su svi ostali u čudu kad su vidili fleku na ovo misto,jerbo do sad ovakvi slučajev na ovo misto nije bilo. Ali zato san odma iša tražit sliku ča san je nikidan po noči nigdi tote učinija, kad mi je ovi jedan reka da je, dokle je pod osti odija, šporkicu vidija i onda me tamo…

A to ga je kako govoridu sinoč bacilo ono nevrime,pa da su ga jutros oni iz komunalnoga pokupili. Valjda če ga odma u ponediljak vratit nazad,jerbo je ovo misto bez ogledala prilično opasno.

Nikoliko daan je tlak zraka varira pa je tako i more išlo čas gori čas doli,a najgore je bilo u nediju kad je uz podizanje mora učinilo i nevrime sa kišon,a to je situacija koja dodatno zakonplicira stanje na spomenutomen terenu,jerbo kroza raštele kroz koje bi ota kiša tribala odit u more,more ulazi u kalete,tako da kiša povečava nivo,a ujedno i opasnost o poplavljivanja kuča u Getu,ali eto,sriča,oto u nediju…

Zanje uzorkovanje mora u Kaštilima je pokazalo da je na pet misti pronađena ešerihija kola,a jedna od plaža je i naša Gojača,pa se odma krenilo sa pričon da ako je to tako je li to znači da se tote nebi smilo  kupat,a onda je ovi jedan doda da nikad na Gojači nije bila zabrana kupanja,a onda san se naravno,umiša ja,je bila je ča ja znan meknuta tabela da se nesmi…