Mi koji smo živili i u onemu sistemu,znamo da su Sučurac pomalo,ali sigurno tili pritvorit u predgrađe Splita,neznan koliko znate kolika je bila borba ondašnje garniture Mjesne zajednice (to su oni za čije vrime je učinjena i anbulanta i dičinji vrtič i školska dvorana i asvaltirane puste ulice po selu,dovedena pitka voda,učinjeno novo groblje koje je u ondašnjoj jugi bilo u samomen vrju po uređenosti,jemali smo sedandeset i pete godine…

Evo najnovije svit se žali da kako jin još nima računi za komunalnu naknadu,a pa se kroz čularekla kazala turnila vijest da čedu je krešit,ama čekaj malo i da su je mislili krešit,več je tribala doč,jerbo se računi ove zanje dvi godine šaljedu za cilu godinu,nji dvanaest,na kojiman je naznačeno kako ji do petnajestoga u misecu,triba platit,a evo danas je dvadeset i treči prvoga (asti ča vrime leti),a računi još…

Danas popodne okolo tri manje deset iša san da ču auton gori put groblja i bija san prvi na semaforu,stojin ja stojin i vidin nikako čudno se ponašadu oni na cesti,ovi gre livo,ovi pravo,ovi desno,ovi se polukružno okriče…i sve u isto vrime?? Gledan ja u ovi svoj semafor i ne vidin ništa,ali pošto je sunce iza mene i još je nisko,mislija san da je to razlog,a pa san izaša vanka…

A zašto,samo zato jerbo bi tili da se otklonidu anomalije, ljudi ne tražidu puno,tili bi samo da jin se riješi problem,pa da lipo,normalno nastavidu živit,ali oni koji su u selu dežurni za napade,odma se javidu,evo,ide se u selo ništo napravit i onda se koko nađe, kako nevalja ovo,kako nevalja ono,pa mu oti “dežurni”zalipi etiketu,kako je ti ča je na ništo ukaza,protiv sela… Ljudi koji stojidu kraj kina koje se od…

Bilo je to ove nedilje u organizaciji Sučuračke Udruge navijači Hajduka,a jema bit da smo mi u selu priplačeni na ledaru,lani je puvala takva buretina i bilo je ledeno da su se oni ča su činili članske iskaznice sakrili u portun od one zgrade doli na rivu,a ono aparata ča čini ote iskaznice se nosija u jedan stan za poteplit ga,jerbo od leda nije moga normalno radit,a i ovi put…

Znate ovu priču,ne triba je ponavljat,e i ne dadu mi mira po selu kako ove godine nisan oba tomen pisa,jerbo je nakon dugoga vrimena u selo opet „uskrsnija“ i oni livi bakalar i zanimljivo u organizaciji našega Mjesnoga Odbora,ajde pak,ajde kad se tako priča,onda ču ništo napisat,inače nisan mislija. Ka prvo,po meni se oti bakalar nije ni dilija,e onda me pitadu kako,a lipo,jedinu obavijest po kojoj ja znan za oti…

Uvik je okolo ničega karba,pa tako i okolo toga tribadu li nan ovde zimske gume ili ne tribaju? Nima ko jema  autu,a da mu se u zimsko doba,kad padne kiša,nije dogodilo da mu pri kretanju, auta trza,pogotovo na nekoj uzbrdici ,proklizaje pri okričanju “punin” livo ili desno,pri kočenju mu triba puno za zaustavit se… E upravo se to i meni događalo i niko mi je pri petnajestak godin reka da…

  Malo češče se to događa da nan prostori,koje su nazvali podhodniciman za pješake,koji su ustvari korita od potoci,ne koristidu  svrsi kojoj su ji namijenili,jerbo kad su kiše,oti nazovimo podhodnici izvršavaju svoju osnovnu funkciju,prolazak vode koja je tote oduvik odila,a pa je tako bilo i jučera,oba,oni kraj vatrogasac i oni kraj Jadranovoga igrališta su,ma zamisli,plivali u vodi i nije se moglo iskoristit za tote proč. I dokle je kroza onega…

  Zašto?A eto zato. Upa san u jednu priču oba ovemu,kako roditelji jemadu problem,jerbo očedu da jin dica u ditinjstvu ostanedu dica,imačedu vrimena za surovu stvarnost… Pri nikoliko godin pisa san oba tomen kako se krenilo na dicu,da Dida Mraz ne postoji,najnovije ove godine,ka ča smo u novine mogli pročitat,kako je mater jednoga prvašića iz jedne Osnovne škole sa istočne strane Splita rekla,da je vjeroučiteljica dici rekla kako nima Svetoga…

  Reklo mi je da mečedu na društvene mriže kako je ko ukrasija,jerbo ako ne mekneš isto ka da nisi oto ni učinija,a pa pošto ja ka pečina oti mriž i zidov,na koje se oto meče,niman,a evo ču ja na ovo svoje stranice,ča mi je moj prijatelj Marijo reka,da je pogleda tri čovika dnevno,meknit… E i onda kako san užga ovo sve ča san daniman radija,a to užižanje po običaju…