Tribalo bi na Gojaču posut malo žala
E a sad da koko krivo ne svati,to je ono vanka di se mekne šugaman za leč,žalo je sa toga mista skroz nestalo.
Prolazin danas Gojačon i jedna žena ča se tote kupala mi govori da je li mi more ništo reč,da je li more,govorin ja,pa mi pokažije na misto di je predviđeno za ležat na žalu i govori kako jema več dvi-tri godine da niko nije niti karijolu žala tote iskrenija,a kako zimi budedu valovi,jednostavno ga je odnilo,a ova druga ča je bila do nje govori,ma ča dvi-tri godine,jema cili deset godin da se ništa od žala ovde nije prosulo,a do te računice je došla kad je zbrojila koliko joj je dite jemalo godin kad su to zanji put činili.
A dobro,eto ču ja napisat i sigurno čedu oni kad oto vididu,ako ne sutra,a onda sigurno prikosutra doč tote žalo itnit.Je,je.
A i ako to ne učinidu,reču ja na Mjesnomen Odboru,ali kad bude,ni to nije priša,valjda čedu ga do Nove Godine sazvat,pa se možda otemu žalu moremo dogodine nadat?Nije priša,kad smo mogli ovoliko čekat,onda se moremo još pinkicu strpit.
Samo mi ništo nije jasno,nikidan su baš tote bili radovi i mali bager je bija, mislin da su prisađivali nike tamarine,ma zanimljivo kako niko od oti ča su zaduženi za plaže nije vidija da tote triba,ne puno,ne triba u nas ka u Donja Kaštila,na šlepere žala po plažan iskričat,eto,ovde bi ljudi bili zadovoljni i sa jednin kamijoncinon žala,samo da jin kad legnedu, doli nije tvrdo.
Klapa Podvorje če 25.srpnja nastupit u finalnoj večeri Omiškoga Festivala Dalmatinskih klapa
Sučuračka Klapa Podvorje se po drugi put od svoga osnutka plasirala u završnu večer najelitnijeg klapskog natjecaja. Finalna večer Festivala Dalmatinskih Klapa održat će se 25. Srpnja 2020. Na Trgu sv. Mihovila u Omišu uz direktni prijenos na HRT. Na finalnoj večeri FDK Omis 2020. Klapa Podvorje izvest ce dvi skladbe i to Otvor vilo (narodna, obrada kresimir magdic) i Sol na koži (tekst J. Fjamengo, obrada R. Kraljević). Sastav…
Otvori ...Puno puti nakon bure u nas u Starčevićevoj ulici, bude ovako
Gori iz pravca pogona ča se tote nalazi svugdi okolo počmedu letit komadi karte kafene,bile…komadi plastike,razne kante,čak su par puti i one željezne bačve odozgara prema doli završile itd.itd.,a tako je bilo i jutros. A taman je kad san oto slikava prolazila auta od Zelenoga i Modroga,danas je bija dan od kupljenja karte ča je ljudi ostavidu,pa su njiovi radnici usput,ono ča su uspili,tj. ča je bilo na podu dijal…
Otvori ...A sad ča pri triba sastavit Vladu
Evo su i ovi izbori gotovi,ovo su bili izbori za deseti parlamenat u neovisnoj Hrvatskoj,a HDZ je dobija respektabilni 66 misti u Saboru i sa osan manjinac,jednin glason od reformisti i glason od HNS-a ima večinu od 76 misti i more komodno sastavit Vladu,(jedino te planove more pobrkat ponavljanje izbori u jednoj državi di bi jedan od sad tri dobivena glasa HDZ-a za dijasporu moga pripast Domovinskomen pokretu,jer je rič…
Otvori ...Još jedna generacija osmaši je napustila našu školu
Evo ga na,finila je i ova,a ka da je jučera bilo da mi je mala u prvi razred krenila,a evo je več dobila svidožbu od osmoga. Čudno je to sve skupa ovu godinu bilo,najpri su jemali štrajk koji je do sad bija jedan od najduži u povijesti,nakon kojega su tribali nadoknađivat puste propuštene ure,a onda ji je opet strefilo ništo šta se u povijesti školovanja nije dogodilo,a to je da…
Otvori ...Miro u Sučurcu
Jutros okolo deset ipo na Sučuračku rivu pojavija se Miro Bulj,sidili smo na šentadi i ugledali ga tamo kraj starega kanpanela,pa mu se Ivo-Antunič javija,Miro i manija mu rukon da dođe i eto ga put nas,a Ivo mu odma u ruke pruža niku propagandnu knjižicu od suprotne stranke i pita ga da ča misli o tomen ča unutra piše,ali o tomen nečemo,zanimljiviji je bija nastavak priče kad je Ivo pita…
Otvori ...Pitadu me ka viječnika Mjesnoga Odbora koji bi to triba znat,da ča se ono radi u našemu parku?
Za one koji neznadu di je u selu park,a vidija san da ji puno nji nezna,to Van je oni doli prostor ispod stare škole,a di je stara škola,ako neznate, tot Van ne mogu pomoč,pojednostavnit ču i ka ča to u nas inače biva,ljudiman moraš nike stvari po orjentiriman objašnjavat,pa kad rečeš da je park namo di kafič Roko jema štekat,onda se čuje ono,aaan,pa ča odma nisi reka,a ko nezna u…
Otvori ...Karlo jučera u Sučurcu
Ovo kako če u nedilju bit izbori za parlamenat onda svako malo i u naše selo svratidu presjednici stranak,pa je tako jučera doša i presjednik HSP-a Karlo Starčević koji je ujedno i gradonačelnik grada Gospiča,a domačini su mu bili Željan Jurlin i Anto Komljen,ovi prvi presjednik županijske,a drugi presjednik Kaštelanske Hrvatske stranke prava,protokol su počeli paljenjem šterik kod staroga kanpanela, isprid spomen ploče sa imenima poginuli u bonbardiranju tokon II…
Otvori ...Kako su Slobo i Edo uvatili zubaca od dva kila i sedandeset deki?
A lipo,bacili su tunju u more i izvadili ga vanka.Ko zna,zna. Jučera je PSRD Gojača jema natjecanje u udičarenju,a Slobo i Edo su uz ništo sitniša uvatili i zubaca od dva kila i sedandeset deki,tako da ove druge nečemo ni spominjat,je jedan od nji ča se isto natjeca,kad se iskrcava na Rivu sa ščapiman, govorija kako su uvatili par bukvic i ka po običaju,jedna velika mu je pobigla,a onda toga…
Otvori ...
Komentiraj