Ma bilo bi najbolje da od četiri milijuna sedansto iljad i nikoliko trenutni glasači svaki jema svoga kandidata za kojega bi glasa pa bi onda možda svaki od nas bija zadovoljan i nebi se vako karali ka sad kad jemamo samo dva. Sriča da od ponoča nastupa predizborna šutnja jerbo ovo ča je sve izrečeno na razniman forumiman,tviteriman,fejsbukoviman,komentariman po portaliman i emisijan di se gledatelji i slušatelji moredu uživo javljat…

Mi stariji moramo se potrudit da jin ditinjstvo šta dulje traje. Ma zanimljivi smo mi narod,malo nan je ča se mi veliki među sebon karamo (bar da znamo zašto),nego na svake načine u oto očemo ubacit i dicu,a bidna dica bi u dane oko blagdani u dvanajesti tila dobit samo darove i briga ji je li Dida mraz komunista oli je demokratista. Vidi mene, Dida mraz komunista. A e,pari smišno,ma…

Od tristašezdeset i pet dan u godini ova lokva na Gojači je prošlu godinu bila prisutna cili dvistapedeset dan i to ne samo u proliče jesen i zimu,nego pošto je bila kišna godina i veči dijal lita. Ko nezna iza ovi prostorij na Gojači izvire voda koja je na istočnu bandu kanalizirana u more,a jema dosta vrimena da je ota voda počela izvirat ta mo isprid oni zahodi ča su…

U noči je bilo minus 5 šta je sa onon divljon buron parilo ka da je minus miljun i zbog čega je čak i more počelo smrzavat,a u karijoli isprid kuče je bilo jednu petnajestak centimetri leda. Dakle,Stara Godina nan je lipo začinila, najpri sa ranojutarnjin požaron posli kojega je dijal vatrogasac tamo između škole i jugovinila iša pilat grane od bora ča su pale na cestu,pa su onda iza…

Danas je okolo ure i kvarat tamo gori di je željeznička stanica o ferate počela gorit zgrada do same stanice koja je skladište za potribe željeznice u kojoj je dalo bi se zaključit po dimu i smradu bilo različitoga materijala potribnoga za održavanje štrike,tako da iako su vatrogasci došli u roku odma požar se nikako nije da zaustavit,a zbog same sigurnosti vatrogasac i nepoznanice šta se sve u skladištu nalazi…

Danas u tri ure popodne isprid topa na glavici održala se jedanajesta po redu utrka u turanju kariči na kojoj je između jedanajst ekipi bila i jedna iz Francuske. Zanimljivost ovogodišnjega turanje kariči je i to šta je po prvi put nastupila i mlađa ženska ekipa koja je došla iz Splita,a isto tako i malo starija ženska ekipa koja je eto radi baze učinila samo desetak metri pa su se…

HM. E i kako sad to napisat pa da ispadne kako bi niko tija da bude,a ne nako kako je, jer ono prošle godine kad san pisa o livomen i desnomen bakalaru isto tako mogu i ove godine ponovit. A to ča bi niko volija da je on zamisto na livoj na onoj drugoj,desnoj bandi je njegova stvar,ma se protiv niki životni pravili nikako ne more,jer ako san se ja…

Hrvaskoj se napokon smiješi bolja budučnost,Bog nas nije ostavija,nadzire se tračak nade u ovoj teškoj “balkanskoj nočini” u koju smo upali nakon upaljenoga svitla kojemu je več odavna izgorila nit u žarulji,a nova nikako da se promine,ali ka ča je jedan jučera reka, Sinčić je biblijski lik,cili je smiren-stentan,kad ste kraj njega osječate kako zrači nikon čudnon pozitivnon energijon sam Bog ga je ka i Mojsiju posla da povede Hrvaski…