I danas je učinija lipi dan i nastavilo se sa pituravanjen ostatka slobodne površine na ona dva jaja ča se nalazidu na Sučuračkoj rivi.Ranoranioci šta su na rivi bili okolo devet uri govoridu kako je ono veliko jaje očito inspiriralo jednoga našega neznanoga seoskoga umjetnika koji ga je nočas podario dodatnon instalacijom,šta oče reč kako je u njega junačina zabija jednu drvenu taklju koja je odma inicirala razne teorije i…

Nedilja je i nji pet lajoni Marijeta,Domina, Filomena,Kate i Mandina su se uvatile veliki priči na svojoj popodnevnoj kafi. A ma jeste li vidili koliki su lancun učinili za napisat izborni „listič“ za ove izbore u EU parlament. A je moja Kate mislin da su mu proporcije nigdi okolo 42 X 62, Asti Filomena ako su ti točne ote mire onda če svaki od nas kad dođe na biralište dobit…

Kako govori neslužbeni izvor (na Sučuračkoj Gospici) danas okolo sedan uri uvečer opljačkan je Konzumov dučan u našemu selu.

(ima i videjo) Ovo pituravanje jaj je danas bila glavna atrakcija u našemu selu. Pored umjetnika-pituri bilo je tot i puno kritičari tako da se moga dobit dojam kako je večina nji završila likovne akademije. Najpri se sa špagon izmirilo oto jaje pa se piketalo tako da se strogo odredilo čiji je čiji teritorij i onda se moglo počet sa pituravanjen. Evo se sasta konzilij i razmatraju se smjernice kako…

Danas popodne isto ka i nikidan more se počelo prilivat priko ruba obale,sriča kako nije puva koji vitar sa južne bande jer bi bila velika dežgracija. Iako je plavljenje bilo slično onome prije par dan kad su pojedine ulice u getu bile po par centimetri pod morem, ovi put se more pojavilo i u Gospojskoj štradi, naravno kroz kanalizaciju,ali sriča kako je to potrajalo kratko i več nakon četrdesetipet minuti…

Ma nisu ono bila jaja od dinosaura,a sigurno je oni kad je danas govorija laga da je u selo vidija Spilberga. Ono su dva jaja šta čedu krasit našu rivu u ove blagdanske dane okolo Uskrsa. Skupilo se danas okolo oti jaj puno svita i ka po običaju nije moglo proč bez peceti.Asti govori ovi jedan, a očedu Bruslijevi našega sela večeras jemat di vježbat,a močedu i voleje činit,vidi onega…

Jutros na Sučuračkoj rivi osvanila su ova dva đinovska jaja. Govoridu oni šta uvik sve znadu kako se jutros rano osjetija niki jaki topot,a ima i oni šta govoridu da jin se čini ka u magli da su vidili niku veliku beštiju pari ka dinosaur,ali eto ne smidu to naglas govorit, znate kako je to u naše selo odma vas počmedu nikako čudno gledat,a isti izvor govori da misli kako…

Boško Ljubenkov iz Kaštel Sučurca na seniorskome prvenstvu Hrvaske u judu koji je bija u subotu u Podsusedu (Sutinska Vrela) osvojija je drugo misto. Triba napomenit kako se ovde radi o kategoriji 100+,šta oče reč od sto kili pa ko ti naleti sa druge bande, more bit i koji od dvista kili. Čestitke Bošku.