Planinarska noč
U petak se u našemu selu dogodila Planinarska noč,ovo je drugi put da Sučurački planinari činidu zabavu,prvi put je to bilo pri pet godin na sedandesetu godinu osnutka i sad na sedandeset i petu godišnjicu i u odnosu na sve fešte ča se činidu u našemu selu,ova planinarska je uvik nikako drugačija,na samomen početku prisutne je zagrijava Di-đej,a iako je svira isti bend ka i na feštu koja je bila petnajst dan prije ove,parilo je ka da je niki drugi,ovo je bila noč rokije,a balalo se u svi šesnajst,šta je isto tako rijetkost da se vidi kako ovoliko puno svita pleše i “komunicira”sa bendom,parilo je ka da smo na kojemu koncertu.
I na samomen kraju,kako su to napravili pri pet godin,kad su prvi put činili feštu,postavili one plastične zahode i ja mislija kako čedu i ostali pratit otu gestu,ma san se privarija,tako su i ovi put,naši planinari učinili isto.
Požar na Brižinama
Jutros okolo deset uri nestalo je struje,a malo iza toga čule su se sirene i vatrogasne aute išle su put istoka našega sela odakle je dolazija dim,govori se kako je uzrok požara žica-kabel od dalekovoda,a sad šta je prava istina pokazat če istraga,uglavnon,to jutros polak sela-zapadni je imalo letriku,dokle druga polovica,istočna nije i dokle su jedni dobili struju koji desetak minuti iza podne,pa tako i ja,zanimljivo je kako me jedan…
Otvori ...Evo za one kojima su stupiči činili duševne boli
Od jučera ji više nima,zamisto nji su nacrtane žute rige,pa sad moredu bit na miru,a oni ča tamo stojidu, koji su dosad jemali problema,pokazalo se odma jučera,kad se jedna crna auta “na pet minuti”upravo na timan cikcak rigan parkirala,da čedu i dalje imat problema,zaludu je bilo i to ča je vlasnik tika na ulazu meka auto za da se vidi kako je tote ulaz. Sigurno čedu oni šta su jin…
Otvori ...Šta se ovo događa klap,drugi put ??
Nikidan san pisa oba tome kako se sušidu stabla od smokav,a isto tako i grane od maslin,a sad najnovije kad je vrime od smokav i triba ji bit na stotine po granan,na tri stabla meni ovde isprid kuče nema niti jedne jedine smokve,ma niti one male zakržljale,ama baš ništa,ovo se još nije nikad dogodilo,evo ja jeman šezdesetu,pa san biče mlad i pita san one ča su stariji od mene,prošli su…
Otvori ...Doček Ivana Rakitića na Poljudu
Neka je bija zvizdan i bili svi mokri ka da nas je šmrkoviman prolivalo,isprid ulaza u Ajduka skupilo se svita ka na četiri prvenstvene utakmice (naravno,ne računajuči Ajduka),ali nikomen nije bilo teško stat za vidit Rakitića koji je izaša na taracu od klupski prostorij nakon čega je uslidilo opče oduševljenje uz pismu,skandiranje,bengalke,dimne bonbe,vatromet… Pa di ovega jema? A evo ovod.
Otvori ...Sudar na semaforiman kraj vatrogasac
Jutros okolo deset manje kvarat dogodija se sudar na Magistrali kraj vatrogasac u kojemu su sudjelovale dvi aute. Ovo više nije normalno koliko se na ovo misto dosad dogodilo sudari.
Otvori ...Saobračajna nesriča u našemu selu
Danas popodne okolo pet ipo uri ispod ranpe od štrike ili malo točnije,nasuprot Konzuma,dogodila se saobračajna nesriča između aute i motora u kojoj je motorista završija na podu i ljudi su odma priskočili u pomoč i nisu mu dali da se diže,jerbo da ne učine gore,a hitna je došla u čas i pribacila ga u bolnicu.
Otvori ...Evo na,sredina sedmoga miseca,a mi da nan je vruče
A meni se sve čini kako čemo kad dođe zima, govorit da nan je ladno… Da nije vruče,je,evo jučera je u Kaštila izmireno cili trideset i devet stupnjev,ali činit mirakule kako vako nikad nije bilo,e to ne stoji,a podaci govoridu kako je i 1950 (asti koja godina) u sedmi misec izmireno,38,6 stupnjev,dokle se nočna tenperatura kretala okolo 34 stupnja,a npr. tamo 1953 godine na 26. svibnja, tenperatura u Splitu bila…
Otvori ...Noč veterani Jadrana
U subotu je bila ljubilarna,trideseta po redu Noč od veterani jadrana.
Otvori ...Šta se ovo događa?
Naši stari su od puno davni vrimen smokve,masline… sadili u polje di nije bilo vode,jerbo su to biljke koje su otporne na sušu,tako da je nejasno zašto se sad najedanput smokve sušidu neka se zalijedu,grane od maslin isto tako…,je li če koko reč kako če i ovo u budučnosti bit novo normalno? A sa druge bande se more čut i dobro nan je kakvi smo (znan da svak za se…
Otvori ...
Komentiraj