Uz pomoč Sučurani Hajduk je jučera doša do 50 000 članov
Jučera ujutro na našoj rivi je bilo prilično živo,dica su guštala jer je i Rico uveliča učlanjivanje u našega Ajduka,jema ji ča su brontulali kako je Rico tako rano doša i samo uru i kvarat sta,ali triba reč da se,ono ča se reč, vodila bitka da Rico dođe,jerbo je u isto vrime triba bit na dva mista,pa je zato doša u devet i u deset i kvarat iša ča,ali je Rico doša i dica su se sa njin guštala igrat.
Bilo je to lipo druženje,pekli su se čovapčiči,igralo se na male branke,…dicu su vukli,ma ji nikako odvuč doma,kako mi je jedan od roditelji reka,neka se igra,sad bi i tako doma u mobitel buljija,ona dva momka ča su unosili podatke i činili iskaznice do podne ipo nisu imali praznoga hoda,nisu imali vrimena,ono ča se reče,niti za popišatse,učinilo se 260 iskaznic pa moremo slobodno reč,kako je i Sučurac doprinija da se jučera dođe do brojke od pedeset iljad novi članov,a ima bit da če brojka od šezdesetipetiljad,šta su mislili do rođendana učinit,puuuno prije bit ostvarena.
I na samome kraju,tolika je euforija zavladala da je jučera i jedan naš iz sela,ča za Dinamo navije,članske iskaznice činija 😀 .
Budi član
Sutra-subota od devet uri ujutro do podne na Sučuračkoj rivi morete postat član Hajduka,a za najmlađe od devet do deset uri triba bi doč i Rico.
Otvori ...Evo je srčeko po drugi put ovanca
Opet je ruvinalo ono srčeko šta na njemu piše Kaštila,ovi put nije bilo kidanja i preinake slov ča se dogodolo zanji put,ka uvertira prema totalnomen uništenju,več su ovi put odma izabrali ovo drugo.
Otvori ...Godinu daan ste na vlasti u selu i ne moreš mi reč kako je sad opet niko drugi kriv…
Je u pravu si,a ovi drugi ča je bija do njega,jeste nan lagali da čete vi bolje,a dogodilo se da “sjaha kurta da uzjaše murta”,kako nan je bilo,tako se i nastavilo,je i ti si isto tako ka i on u pravu,a ča moreš pametno reč,več stat mirno i pustit da te “triskadu”,jer se i ja isto tako sa otin ča su rekli slažen,ča su drugi na to nadodavali neču,jer nije…
Otvori ...Baš lipo da su se sitili Filka
Nikidan u jednoj Potjeri-kvizu koji se svakodnevno prikažije na HRT-u,bilo je jedno pitanje koje je glasilo,”Kvizaške ekipe koje pobijede na Prvenstvu Grada Zagreba osvajaju trofej,pod A Filka Garbina,pod B Milorada Rukavine i pod C Mirka Miočića “ Kako znamo, Filko je nikoliko puti bija u kvizovima,šta u Potjeri,šta u Milijunašu,pa čak osvaja i nagrade i baš lipo da su ga se sitili.
Otvori ...
E pa mi stvarno imamo problem
Da uz one doli kontejnere isprid stare škole cilo vrime smeče ostavljadu do kontejneri,a ne unutra to znamo,jer jin za svako otvaranje kontejnera sinjaje i nadodaje cifru na varijabilni dijal računa,ali mi nije jasno sad kad je to u kvaru i piše kako je spremnik otvoren,šta znači da se u njega more itat bez da se provlači kartica,kese sa smečen umisto da mukte mečedu u kontejner i dalje ostavljadu isprid…
Otvori ...
Bakalar u Matele
Več tradicionalno na svaki Badnji Dan Matela spremi bakalar kojega doli na Rivu isprid svoga kafiča podili svojima sugrađanima,pa je tako uza oni na brujet,bilo i onega učinjenoga na bilo i sa makaruniman,a bilo je i fritul …
Otvori ...Badnji Dan u Splitu
Ka po običaju na Badnji Dan u Split bude krcato svita,a bome i događanja,Gradonačelnik Puljak je isprid peškarije dilija bakalar,ispod ure tradicionalno,skupili su se razni baritoni,tenori,basi…iz razni klap i bacili pismu,Pjaca je bila krcata svita,dok je DJ meča prigodnu muziku,a u niko doba iz vedra neba je i snig počeja padat,Prokurative su bile krcate,moglo se vidit i didamrazove na motoriman,Riva puna svita,a na Bačvicaman su se oni najhrabriji banjali…
Otvori ...
Komentiraj