Prosvjed u organizaciji Hrvaskoga Novinarskoga Društva danas u Splitu
Od jedanasjt uri prosvjed se održava na Markovome trgu u Zagrebu i isprid Kazališta u Splitu,a razlog je novi prijedlog koji bi se uvrstija u kazneni zakon,po kojemu bi neovlašteno otkrivanje o istražnin radnjama u istražnomen postupku u budučnosti,ako se ovakvi prijedlog usvoji,postalo kazneno djelo,a oti zakon je popularno nazvan LEXAP,a upravo to je pisalo i na velikomen transparentu kojega su organizatori u Splitu razvili.
E sad,ako se oti zakon izglasa,a mala je vjerojatnost da neče,ako se u Vladi ne pridomislidu,onda če nan svaki dan bit ka da smo u raju,neče više bit ni zamračija je ovi ovoliko,oni onoliko,kupilo se plina za četrdesetak dolori oli euri,a prodalo za nikoliko centi,možda naša dica budu doznali,ako i oni dožividu,kakvi če ishod bit sa suđenja o Agrokoru,šta če bit sa biliman medama…,a mi čemo do kraja života moč uživat u članciman koji čedu govorit o tomen kako je danas “lijep i sunčan dan”,neznan baš za prognoze,oče li se one unaprid moč iznosit ili če se tek nakon završetka dana moč reč,ovisi kako je bilo,lijepo i sunčano,oli kišovito sa jugon ili je dan bija buran…?
Komunalna redarica i redar “čuvadu” kontejnere
Sučurani se evo danas drugi dan ne moredu načudit da su dvoje komunalni redari,jučera cilo radno vrime,danas ništo manje od toga,dobili zadatak da “čuvadu” kontejnere,da triba kažnjavat one nesavjesne sigurno se ne slažedu baš svi,jerbo oni ča nerede činidu sigurno neče protiv sebe ič,ali velika večina je za to,a to da redari ovako stojidu kraj kontejneri da ji svi vididu,to je isto ka kad bi lupež iša opljačkat banku,iako nedaleko…
Otvori ...Nadzire li se napokon rješenje nereda okolo ovoga kontejnera?
Svi znamo da je nered sa smečen koji se ostavlja isprid polupodzemnoga kontejnera koji se nalazi kraj stare škole naša svakodnevnica,samo je pitanje u nijansama,očelidu danas privladat crne vriče,oli če bit više šareni kesic ili oče li to bit mala jarpica,jarpa,jarpetina,oli brdo smeča ka ča san to sinoč slika. Kad če doč kraj ovomen neredu,svi se pitadu i oni koji nered činidu,a mislidu da se nezna da su to oni,ka…
Otvori ...Evo dico,sad se morete sakrit od kiše
Daj učinite štako da nan dica ne kisnedu dokle čekadu autobus,bilo je svakodnevno ponavljanje,a kako smo vidili da se ništa ne događa jema več i tri miseca,niko govori i četiri,a ima ji šta su puno dalje išli u vrimenu koje je prošlo,a da se u otoj čekaonici ne moreš od kiše sakrit,pa smo Željan i ja jučera učinili jedino ono šta smo trenutno mogli,pa da dica,ka i ostali miščani koji…
Otvori ...Pazite kad gredete priko ovi skalini,postoji velika mogučnost da se slomite
One skaline nasuprot kafiča ča se nalazi ispod Tomija klizave su i kad su suve,a kad padne kiša,onda pari ka da ste na ledu,a to san ono ča se reče, osjetija na svojoj koži,samo ča san bija učepija na gornju skalinu,najedan put san odletija i štropošta se sve do najdonje skale,kakvi glupi osječaj,ali uspija san proč lišo,ustvari spasija me mobitel koji mi je bija u zanjemu livomen žepu i tako…
Otvori ...A je li ovo ljekovito ča je u petak pod naletima bure po zraku letilo?
Satralo me u petak,zovu sa svi stran,da jeli vidin ono prašine ča se diglo iz ove naše Sučuračke cimentare,a je vidin,upravo slikajen,slikaješ,a da kako me niko ne vidi,a kad san na tajnomen mistu… U selo je velika panika,jerbo se zna kako se još tamo od dvanajestoga miseca na obali od cimentare uskladiščuju ogromne količine troske (šljake) i to one iz Sjeverne luke,oko koje se učinila velika bura i stanovnici sa…
Otvori ...Uz pomoč Sučurani Hajduk je jučera doša do 50 000 članov
Jučera ujutro na našoj rivi je bilo prilično živo,dica su guštala jer je i Rico uveliča učlanjivanje u našega Ajduka,jema ji ča su brontulali kako je Rico tako rano doša i samo uru i kvarat sta,ali triba reč da se,ono ča se reč, vodila bitka da Rico dođe,jerbo je u isto vrime triba bit na dva mista,pa je zato doša u devet i u deset i kvarat iša ča,ali je…
Otvori ...Budi član
Sutra-subota od devet uri ujutro do podne na Sučuračkoj rivi morete postat član Hajduka,a za najmlađe od devet do deset uri triba bi doč i Rico.
Otvori ...Evo je srčeko po drugi put ovanca
Opet je ruvinalo ono srčeko šta na njemu piše Kaštila,ovi put nije bilo kidanja i preinake slov ča se dogodolo zanji put,ka uvertira prema totalnomen uništenju,več su ovi put odma izabrali ovo drugo.
Otvori ...Godinu daan ste na vlasti u selu i ne moreš mi reč kako je sad opet niko drugi kriv…
Je u pravu si,a ovi drugi ča je bija do njega,jeste nan lagali da čete vi bolje,a dogodilo se da “sjaha kurta da uzjaše murta”,kako nan je bilo,tako se i nastavilo,je i ti si isto tako ka i on u pravu,a ča moreš pametno reč,več stat mirno i pustit da te “triskadu”,jer se i ja isto tako sa otin ča su rekli slažen,ča su drugi na to nadodavali neču,jer nije…
Otvori ...
Komentiraj