Karte za finale kupa planile su u manje od dvi ure
Od kako su jutros u osan uri otvorene bokete,pa do prodane zadnje karte prošlo je manje od dvi ure vrimena,inače su se karte do danas prodavale za pretplatnike,a danas je okolo petnajst iljad ulaznic krenilo u slobodnu prodaju,s tin da su se mogle kupit iz naslonjača-oneline ili fizički-stat u redoviman,koji su se mirili u stotinama metri dužine,a cilo vrime se danas na radijiman more čut,po portaliman pročitat pitanje,da kakvu taktiku triba primjenit za do karat doč,a taktike nima,oni šta su visili po konpjuteriman i razniman drugiman elektronskiman čudiman priko koji su karte kupovali,tribali su jemat sriče za “uletit”,a da jin se u međuvrimenu ne sruši sustav,dok oni ča su karte kupovali po starinsku,doč na boketu dat pineze i vazest kartu,tribali su doč u sitne jutarnje ure dignit šator i čekat osan uri ujutro da otvoridu bokete,oni moj “mali” doša je ujutro okolo tri ipo i govori da ji je več bilo u redu,okolo pet uri nji dvadesetak,a on je ubija malo oko u auti i okolo pet ipo kad je doša u red bilo ji je više od pedeset isprid njega,ali več je okolo devet manje kvarat jema karte u rukan,a onda kad je doša doma pala je karba,ko je dosad najviše vrimena čeka u redu za karte kupit,pa san tako ja bidan ispa sa najmanje staža,kad san jedan put sta u redu tri ure,a mala govori kako je ona najviše provela u redu za karte kupit,jedan put je bila tri ure i četrdeset i pet minuti u redu,a onda se javija oni moj “mali”da on mirita titulu onega koji je najduže u fili sta,a kako,a lipo,a najmanje od nas si u redu sta,je ali konta se i ono ča je spava u auti,a i nočne ure se duplo kontadu,ajde mali biš ča to ti se ne konta,ča ne konta,di su karte,cili grintav kako on nije prvi,da če vazest karte i nečemo ji vidit,oš,oš,kako neš,več su u vrtlu zakopane i par uri pri utakmice čemo ji uz jako osiguranje otkopat i u željeznomen sanduku vezanin lanciman za noge i ruke do ulaza od stadijona donit i kroza skener pronit…
Biče kome smišno ovo ča san napisa,a smijte se Vi smijte,ma če se ovi bokuniči karte u razno razniman Fort knoxoviman do dvadeset i šestoga čuvat.
Dođite u Kaštel Mali
Ove godine če to bit jubilarni,deseti po redu,a sve počimlje ovoga petka sa smotrom dičjega folklora koji če bit u Sučuračkomen kinu u sedan uri uvčer.
Otvori ...Šok,nevjerica,jeli to moguče?
Zar več,ljudi su nikidan u čudu gledali kad se asvaltirala Petrina ulica u Varošu. Valjda nisu čako zaboravili postavit,pa če je kasnije opet kopat,bija je komenter kojega je jedan onako usput dobacija. Dobro,napokon se asvaltiralo,ali još tote ne moremo salazit auton,pa se uštekat u Trpimirovu za u selo uč,jerbo je ona još uvik i ko zna dokle če još bit razrovana…
Otvori ...A zašto ona zna kad če potres,a ja neznan,oču i ja znat…
Ovo nikidan kako je u Bosni bija potres i dosta nji priko androidi dobilo poruke da če se ovde u nas potres dogodit,ne stišava se polemika,kako i zašto,kako se šalje poruka da če bit potres,kad nan cilo vrime govoridu da se potresi ne moredu predvidit i zašto je ovi informaciju dobija,a ovi drugi nije,oče i ovi isto informaciju,pa da i on zna kad če… I dalje stoji kako se potresi…
Otvori ...Prva pričest
Ovu nedilju je u našoj župi pedeset i sedmero dičice primilo Prvu pričest. Ovu doli nazovimo “instalaciju” sa slikama napravija je jedan,kako je don Ivan naglasija,tata, kojemu se dite isto tako pričestilo.
Otvori ...Tri dana gredu,biču fin pa neču napisat govna,več fekalije iz šahte navr starega kanpanela
Sve je počelo večer prije užežin Dana našega sela,doli okolo starega kanpanela sve je bilo mokro,ali nisan iša za otin ča bi moglo bit,onda užežin Dana od našega sela okolo podne ipo kad san doša,vidin opet doli okolo starega kanpanela mokro,ali se ne vidi razlog,kad najedan put iz šahte koja se nalazi desetak metri navr kanpanela,kroza poklopac,sadržaj onega ča bi tribalo prolazit kroza cijevi,izlazi vanka,zoven ja,a koga nego Damira Šiškova,njega…
Otvori ...A sad malo o utakmici šta je bila između Ajduka i Dinama i kakve su nan šanse da osvojimo prvo misto
Fino nas je ovu godinu krenilo,em šta nan se smješka Kup,a pobjeda nad Dinamon u sridu Ajduku je dala novu šansu, pa se tako moremo nadat i prvenstvu,samo ima jedan mali problemčič,a to je da bi tribalo do kraja sve utakmice dobit,a dvi od pet preostali jednu igramo sa Rijekom i zanju sa Dinamon,a lipo se danas dogodilo da je Rijeka pobijedila Osijek,a bilo bi isto tako lipo da kad…
Otvori ...Još dugo če ovo bit enigma?
Expreksni odgovor Torcide na transparenat BBB izazva je razne polemike,a pitanje KAKO, je prisutno u svin raspravan. To kako se između sjevera i juga na tribinan častidu razno razniman epitetiman-ukrasniman pridjeviman…,nije neka novost,jedni počmedu,a drugi odma uzvratidu,to je kad igradu Ajduk i Dinamo,ka normalno,ali jučera je publika na poljudu bila, ma malo je reč iznenađena,BBB su na jugu u drugomen poluvrimenu razvili transparenat na kojemu je pisalo,NE SIKIRAJTE SE,NIJE DOSTA,e…
Otvori ...Ovoga ima samo u Splitu
I dokle drugi klubovi muku mučidu kako navuč gledatelje na svoje stadijone,danas popodne na pomočnomen igralištu na Poljudu bilo je okolo tri iljade svita koji su došli na trening dat podršku igračiman Ajduka za predstoječu utakmicu koja se igra u sridu sa Dinamon,jerbo još uvik,naravno ako u sridu pobijedimo,jema šansi za čako učinit,pa da dođemo do prvoga mista,a navijači su još u petak posli utakmice kad su jin se ajdukovci…
Otvori ...
Komentiraj