A je li ovo ljekovito ča je u petak pod naletima bure po zraku letilo?
Satralo me u petak,zovu sa svi stran,da jeli vidin ono prašine ča se diglo iz ove naše Sučuračke cimentare,a je vidin,upravo slikajen,slikaješ,a da kako me niko ne vidi,a kad san na tajnomen mistu…
U selo je velika panika,jerbo se zna kako se još tamo od dvanajestoga miseca na obali od cimentare uskladiščuju ogromne količine troske (šljake) i to one iz Sjeverne luke,oko koje se učinila velika bura i stanovnici sa Brda činili prosvjede,da odma rečen onima koji su u petak bili žestoki ča se Mjesnoga Odbora tiče i kako u ovi više od misec daan nismo o tomen problemu reagirali,ok,to ča nas pljucadu da ne radimo kako smo obečali,stoji,a ča se tiče toga kako nismo,šta se ote troske,koja se skladišti u fabrici reagirali,e to ne stoji,jer san upravo ja oba tomen problemu na sjednici,koja je bila 28.12. govorija i zauzeli smo stav kako tražimo da se oto troske skladišti u zatvorenomen,jerbo je sad ona vanka,je da je dilon natkrivena,a šta se more dogodit kad je na ovemu mistu di je sad,dokaz su same slike šta čete ji vidit,a slika,ono ča se reče,govori iljadu besid.
Koliko toga smo onoga ča nismo tribali u sebe “hranjivoga” sa ovin zanjin oblaciman prašine unili,sam Bog zna,ali eto ljudi su se u svoj ovoj nevolji na svoj račun našalili,pa je bilo,vidi dobro je da bura puše,pa sve nosi put Splita,a onda je jedan počeja o smjeroviman vitra govorit,pa je usput i ružu vitrov spomenija,tako da je euforija zbog viđenih oblaka prašine,koji gredu put Splita,odma splasnila.
Šta če se dalje okolo ovoga događat,vrime če pokazat,spominjedu se i prosvjedi,ali svi čekadu šta če mjesni odbor učinit,kako govoridu,nije samo bitno donit odluku,triba izvršit pritisak,da se pod hitno sve učini,pa da se ovako ništo više ne ponovi,ma daj,ozbiljno,nisan to zna,a ja mislija…
Uz pomoč Sučurani Hajduk je jučera doša do 50 000 članov
Jučera ujutro na našoj rivi je bilo prilično živo,dica su guštala jer je i Rico uveliča učlanjivanje u našega Ajduka,jema ji ča su brontulali kako je Rico tako rano doša i samo uru i kvarat sta,ali triba reč da se,ono ča se reč, vodila bitka da Rico dođe,jerbo je u isto vrime triba bit na dva mista,pa je zato doša u devet i u deset i kvarat iša ča,ali je…
Otvori ...Budi član
Sutra-subota od devet uri ujutro do podne na Sučuračkoj rivi morete postat član Hajduka,a za najmlađe od devet do deset uri triba bi doč i Rico.
Otvori ...Priča o borši
Malo čudna priča,ali san se ja u ovo naše selo odavna presta čudit. Znači ova borša šta čete je vidit doli na slikan san na parkiralište navr anbulane prvi put vidija nigdi u osmi misec,nakon deset daan san je opet vidija tote,prošlo je i misec daan,a ona je,nije stala na isto misto,malo se makla,ali je i dalje bila na lokaciji- parkirališta navr anbulante,dva miseca kasnije,tri miseca kasnije,da više ne duljin,ota…
Otvori ...Evo je srčeko po drugi put ovanca
Opet je ruvinalo ono srčeko šta na njemu piše Kaštila,ovi put nije bilo kidanja i preinake slov ča se dogodolo zanji put,ka uvertira prema totalnomen uništenju,več su ovi put odma izabrali ovo drugo.
Otvori ...Godinu daan ste na vlasti u selu i ne moreš mi reč kako je sad opet niko drugi kriv…
Je u pravu si,a ovi drugi ča je bija do njega,jeste nan lagali da čete vi bolje,a dogodilo se da “sjaha kurta da uzjaše murta”,kako nan je bilo,tako se i nastavilo,je i ti si isto tako ka i on u pravu,a ča moreš pametno reč,več stat mirno i pustit da te “triskadu”,jer se i ja isto tako sa otin ča su rekli slažen,ča su drugi na to nadodavali neču,jer nije…
Otvori ...Baš lipo da su se sitili Filka
Nikidan u jednoj Potjeri-kvizu koji se svakodnevno prikažije na HRT-u,bilo je jedno pitanje koje je glasilo,”Kvizaške ekipe koje pobijede na Prvenstvu Grada Zagreba osvajaju trofej,pod A Filka Garbina,pod B Milorada Rukavine i pod C Mirka Miočića “ Kako znamo, Filko je nikoliko puti bija u kvizovima,šta u Potjeri,šta u Milijunašu,pa čak osvaja i nagrade i baš lipo da su ga se sitili.
Otvori ...
E pa mi stvarno imamo problem
Da uz one doli kontejnere isprid stare škole cilo vrime smeče ostavljadu do kontejneri,a ne unutra to znamo,jer jin za svako otvaranje kontejnera sinjaje i nadodaje cifru na varijabilni dijal računa,ali mi nije jasno sad kad je to u kvaru i piše kako je spremnik otvoren,šta znači da se u njega more itat bez da se provlači kartica,kese sa smečen umisto da mukte mečedu u kontejner i dalje ostavljadu isprid…
Otvori ...
Komentiraj