Google
329

Asti,a nisan zna da san ovoliki navijač od Ajduka pa ga gren i po povodaju gledat

Datum:April 10, 2019 6:20 pm
Comments
Komentiraj

Ono nikidan kad je igra Ajduk sa Osijekom,odma ujutro nije baš obečavalo da če se ona dosadna kišurina baš tako lako smirit,nima koju prognozu ja i čer mi, nismo otvorili,pa smo ji okričali naopako,gledali sa live,pa desne bande,ma na nijednoj nije bilo ništa ča bi ukazivalo niti na blago smirivanje,a kamoli prestanak one dosade od kiše. I gledan ja nju,a gleda ona mene,manen glavon i pitan je ča čemo,a ona sliježe rameniman,oče mo poč,a, a amo govori ona,a dobro,obukli smo šuškave jakete,postole ča ne propuštadu vodu i seli u fiču,a kad smo došli u Split,pari ka da je duplo pojačala,ma nema veze,vazeja san ja i lunbrele,ajde koju češ,a ona da če crnu,ota je parila ka da ju je bura iskrenila naopako,a nakon toga jugo “izdricalo”,jemala je samo dvi zdrave žice,a ova moja je parila ka da je sekund prije munja u nju opizdila,ali nema veze,da me nebi koko vidija i tako čemo ji zaintnit,bitno je doč do stadijona i ostat suv,a kad smo došli tamo gledalo je u nas ka da smo redikuli,gledajte Vi gledajte,ma smo mi suvi,a zatvorili smo ji tek kad smo ušli, pa smo ji lipo ranili tamo u kraj,ako ji posli nađemo dobro,ako ne opet dobro .

I sad san ja mislija da če zbog kiše bit dlakicu svita,ma je,svita ka u priči,a onda se moraš upitat,a ča bi tek bilo da je na vrju od tablice,to bi na sjever i jug,di nima krova,po dvadeset redi dodatni tribini tribalo činit?
Torcida je evo več drugi put u dvadesetak dan zamisto na Sjeveru, bila na onu zapadnu tribinu zbog bengalke ča je zanji put letila u teren,a možda je i bolje,bar mi sin neče na stadijonu kisnit,a to ča je do stadijona, nema veze,a ma ja neznan ča je ovoj mladosti,bižidu od lunbrele ka vrag od tamjana,a posli utaknice koja baš i nije bila ništo,opet su svi bili zadovoljni i prema vanka u kišu,bez lunbrele prema doma krenili,a ja i ona moja mala smo vazeli one naše ruvinane lunbrele (ma zamisli nije ji niko vazeja),a neču ji ka ča san mislija ni bacat,spremiču ji u garažu,tribačedu opet.

Ma zanimljiv je ovi fenomen okolo navijači Ajduka,nikome nije jasno ča se ovo događa,na najobičnijoj utaknici(ne derbi)na Ajduka zna bit više gledalac,nego na sviman ostaliman zajedno i to sa suciman,delegatiman,igračiman,maseriman…

A još zanimljiviji je podatak da je Ajduk drugi na svitu po broju navijača koji ga pratidu na utakmican,prvi je Škotski Seltik.

Ispeci pa reci:

2 Comments add one

  1. pcelica radilica says:

    Ok mogu predočit kako izgleda kišobran u koji je udrila munja,ali nikako ne mogu kako izgleda kišobran kojeg je iskrenila bura i izdricalo jugo? 😀

  2. miritan i ja sta rec says:

    Meni se cini da je drugima ricima tija rec da je kisobran bija razbiven 😀

Komentiraj