Google
169

A je li bi ovo kako se buretina zaredala tribalo bit, ko se okupa,okupa?

Datum:October 14, 2021 8:55 pm
Comments
Komentiraj

Dugo ovo sa buretinon traje,ali ne virujen kako če ova godina ča se kupanja tiče bit misec daan krača,bar ča se mene tiče,jerbo smo se lani ja i Ona zanji put okupali za njen rođendan, iliti ga deseti dan u jedanajestomen misecu,e sad,ča se tenperatur tiče,po mome mišljenju če one opet doč nigdi do dvadeset i četiri pet stupnjev i biče ugodno za leč na plažu i osunčat se,ča oče reč,napunit baterije za zimu,a šta se tiče kupanja,e to če bit iznenađenje,ko zna koliko je ova buretina more izmuljala,jer i usrid lita kad se uvati puvat,zna lipo more oladit.

Je su babaroge još tamo okolo dvajstipet osmoga rekle ko se okupa,okupa,ma su falili,pa su se onda u deveti zaredale dvi ciklone i opet je parilo da je sa liton gotovo i onda sad ovo,več desetak dan puše ovo nesritnje buretine,ali po mojoj nikoj računici učinit če opet vrime,jer mora učinit,kasno je sve to ove godine krenilo,do kraja petoga smo deboto pa u duge rukave bili i cila godina zbog toga je po plodoviman bila u zakašnjenju,a to znači da bi se kroz ovo vrime ča dolazi to tribalo nadoknadit.

Evo ove dvi danas u moru,a ova ji je žena sva u čudu gledala i glavon gingala i ko zna ča je o njiman u sebi govorila?

IMG_9565

Komentiraj