Zanimljivo je da od kako su se gori na groblje počeli mečat plastični siči da ljudi jemadu u što utočit vodu za stavit cviče,a tome jema okolo tri godine,nestalo ji je nigdi okolo osandesetak.Di su nestali? a to niko nezna,ali se sigurno zna da siči nima. I ča se još zna dogodit,a to da umisto oti siči osvane kanta o jupola,(naravno bez piture).A biče to koji pošteni,pa računa da mu je tako savjest čista,ka ono nije on to ukreja,nego je samo lipo zaminija. A isto se zna dogodit i sa metlan. Opet i u otoj priči jema oni ča za se računadu da su savjesni pa donesedu iz doma onu staru,ofucanu,a vazmedu novu,ali su ipak u večini oni ča sve sreda uzimljedu i ništa za sebon ne ostavljadu. Ali to nije sve.Ako se dogodi da koji sič slučajno možda ostane onda ga niko sa ničin gađa,pa ga cilega izbuža (vidite na slici onega bidnega crvenoga). I ča se more proti vaki učinit?a ništa, kad dođedu novi siči držidu se pod ključen pa ji se kako koji nestane zamine.