Google
895

Jučera su opet sa Sokolane bižali

Datum:June 10, 2019 3:50 pm
Comments
Komentiraj

Evo ga, njemu reci,bilo je danas na rivu,a ča je sad,a to da se na Sokolanu pojavilo još jedno zlo,a naravno,zlo nikad ne gre samo,uvik uza sebe jema “brata,sestru,oli barenko kojega rođaka”,pa mi govoridu da je sad sto posto sigurno da ono na što se do sad sumljalo,pokazalo istinitin,a to je da na Sokolanu jemamo novo misto di govna u more ulazidu,vamo na istok,ali naravno,triba trevit u pravi momenat za oto slikat,možda odnit bančič sa sebon, tote sidit i dežurat,ali sa gas maskon,jerbo zna lipo vonjat,a dokle se o tomen pričalo,evo jednoga pa govori kako su jučera sa Sokolane svi trčali iz mora vanka i bižali doma, jerbo je iz onega potoka (na zapadnu stranu) iz kojega svako malo izleti koje iznenađenje, jučera opet teklo ništo šporko i da jema sliku ča su mu je poslali kako je oto izgledalo,pa da če mi je on prosljedit,a pošto ja niman ote votsapove,fejsove,instagramove…onda je najpri posla ovemu jednomen,koji je posla ovemu drugomen,a onda je oti meni otu sliku emajlira.

IMG-20190610-WA0004

Evo san ja napisa,a Vi kad u selo vidite koga iz Mjesnoga Odbora onda jin recite za ovo,naravno,ne oniman iz opozicije,več oniman ča su na poziciji,mi smo iz opozicije i tako oni, kako nan je presjednik MO na prošlomen sastanku reka, ča svugdi vidimo probleme i zbog toga samo tražimo hitne sjednice Mjesnoga Odbora.Recite,recite,to če odma bit riješeno, bit če ono ča bi stari ljudi rekli,ka rukon odneseno.

Ispeci pa reci:

One Comment add one

  1. sokolana says:

    ????lipo si ti moju sliku provoza od jednoga do drugoga i na kraju si me lipo emajlira. Aj pak, a ja ti kažem da nisam ništa kriva. Ja sam bila uvik čista i uredna. Samo se ništo puno lipo događa sa probavon naši sućurana. Ma ne mogu reć samo sućurani, jerbo se puno nji spustilo u sućurac. Evo čujem da i spličani dolazidu litovat na 2 do 3 miseca u sućurac jerbo svoje nekretnine za stanovanje pritvaraju u apartmane i kuće za odmor. I sve mi se pari da je bija kolektivan posjet danima od boba u kambelovcu. I sad bi ti tija da more na soki bude čisto. E neš, ne. Dok god sućurani i sućurački furešti idu na dane od boba neće bit čisto. Pusti ljude da se guštaju i da se na kraju olakšaju. Koji su to gušti. Ko more to platit? A ovi iz misnog odbora, ovi iz pozicije, ja bi njima čako i šapnila, ali ja ti nji ne poznajem, pa bi te lipo molila da kad is vidiš da is pitaš njiove slike i lipo ih zalipiš na vrata stare ambulante oliti na ulazna vrata od službenih prostorija misnog odbora i ispod svake slike stavi ime i prezime i titulu. Nemoj mi to ne napravit. Jerbo kako ti misliš da im čakod šapjen kad ne znan kako čovik izgleda. Ae, a muke ti ježeve, ne bi to valjalo. Moglal bi upast u veliki skandal pa bi me iz tog skandala izvlačili deboto baš ovi koji su kolektivno bili na danima od boba. ????‍♀️????‍♀️????‍♀️!

Komentiraj