Danas su svi u čudu gledali novi brod na mistu tamo di je do sad stala “Vesna”-ribarski brod o Brbini i taman dokle san slikava eto ti jednog od nji i pitan ja,a ča je ovo?a to da neka napišen da su za na u ribe poč kupili novi brod,a dobro,evo san napisa.

I sad ja sa jednin dokle smo šetali pričan,ustvari ja njemu govorin,a je,je, vidiš u današnje vrime ribari tribadu jemat brze brode,jerbo se ribe cilo vrime primiščadu, sad su ovde,sad su tamo,ko če ji uvatit,ko zna ča sve itadu u more pa su odo toga postale hiperaktivne,a vako kad imaš brzi brod onda lipo moreš stat doma u teplo i na ekranu priko satelita vidit di je koje jato i sedeš u ovo i eto te tamo začas,nima više po buri i kiši visit na jarbolu sa kanočalon i gledat di je riba,a vidiš i sami brod se zove “Lako čemo”,sad če jin bit milijun puti lakše…
Jesi li završija? pita me ovi,a ka jema bi ja još čako za reč,ali eto u globalu jesan,znaš ča?,govori meni ovi,ča? ajde kvragu i ti i brodi i riba i sateliti i kanočali i hiperaktivnost i sonari i…
vidija si ovo maloga brodiča i sad si cilu priču okolo toga napravija,a ča bi bilo da smo Titanika vidili?pita mene ovi?,a onda bi bar knjigu odo tomen napisa,govorin ja njemu.E.