U koju se uru točno dogodilo neznan,ali znan da san ja okolo ure manje desetak minuti oto slika,policija je osiguravala područje da koko ne strada,a taman se fermala i auta ophodnje koju sad obavlja firma Zeleno i modro,pomeli su caklo,udunila se rasvjeta da se moredu otkopčat žice,da koga ne tresne struja i okrenija se stup sjever jug,za da bi ljudi mogli prolazit,e i na sadašnji položaj stupa počele su u selu razne konbinacije kako se to dogodilo,a i taman kad san jutros prolazija mavalo se rukan i nogan išlo se ovako,nije nego onako,došlo se odo vamo,nije nego odonamo,a ja ji malo pustija da vidin dokle če to sve ič,a kad se to počelo malo žešče karat onda san se umiša,ma čekajte malo,svi falijete,nije stup pa ovako kako sad stoji,nego je pa od zapada prema istoku,vidi njega pametnjakoviča,sad je doša odo tamo i on bolje zna od nas ča smo u ovi po ure sve do u tančine razradili ča je i kako je sve to skupa bilo,a dobro,jeman ja ništo za pokazat Van, vadin aparat iz borše,a oni me nikako sumnjičavo gledadu,aj sad reci da još jemaš i slike od sinoč,govori ovi jedan, ajde komen ne tribadu očale,neka pogleda na ekran kako je to nočas posli nesriče izgledalo,gleda ovi ča vidi bez očali,je, stup stoji istok zapad,a cakla jema po pješačkomen,e sad je bilo po meni,e roge čačine i materine,poslalo me vamo i tamo,ovi jedan se samo okrenija i iša ča uz opasku,ča ču ja sad ovde govorit kad mi je ovi,to ka ja, sad cilu koncepciju srušija,da neka gren kvragu ja i aparat,asti i na kraju san sad ja ispa kriv ča san ji to kaza,a znate ča,eto Vas na tamo,sad san Van reka,a drugi put neču, aj dobro,usvojili su ovo na slikan i sad opet, nas,sedan, osan,devet lajkov,ravnajuči se prema slikan od nočas i tragoviman di su odila kola ča su još na podu vidljivi, uz burnu raspravu došli do zaključka da je to bilo ništo veliko,jerbo su tragovi od gum puno široki,a i u duplo su,opet je bilo daj da vidimo te slike,ali sad brka to kako je stup pa tamo di gredu pješaci,a caklo od kandelabra se rasulo vamo po ulici di je pješački prilaz?e to je ostala enigmato nikomen nije jasno kako,ali eto, zato i postojidu stručne osobe koje se bavidu istraživanjiman pomoču koji dolazidu do zaključak na koji način se ništo moglo dogodit,a onda je proša jedan,čuja je oko čega se karamo,pa usput u hodu,ne zaustavljajuč se doda, kako je onda po timan tragoviman otoga ničega ča je prošlo i caklu stup sigurno pa vamo na pješački,a niko ga je pomaka da moredu aute prolazit i ode on,e i sad san opet bidan ja bija kriv i slika koja ji je opet odvela na krivi trag,a diskusija je sad krenila prema ovoj novoj priči itd.itd.
Naravno otega prometala ča je ovo učinilo sinoč nije tote bilo.