Google
205

Pa onda kad mi rečedu ono, da san spor za napisat koju vijest

Datum:January 6, 2021 7:55 pm
Comments
Komentiraj

I teško jin je čekat koju uru ili po dana,pa je evo ta kritika djelovala na mene i evo ču se osvrnit kako je to bilo na Novogodišnjemu kupanju na Bačvican.
Nije baš da su se gracali ko če prvi stopit gnjate,bilo je ono,kako nečedu igrat picigin,jerbo je jugo jako puvalo,a ustvari nije bilo jugo,več levanat i bilo je zima za popizdit,ali su se zato dva momka i jedna cura prvi dan Nove Godine svakako odlučili okupat, skupili su hrabrost i pomalo ali odlučno gazili su prema dubini i dok su nji dva ostali,ona je brže bolje izašla vanka,a kad su je za televiziju pitali da kako je bilo,usljedija je odgovor,da ako mislidu da neka u more ne gredu,pa je objasnila da dokle je ulazila osječala jednu veliku bol,a dokle je to govorila donja vilica joj se tresla brzinon, ka ča to Kolibrič sa kriliman čini.

A tamo sa druge stane Bačvic,jedan momak i cura isto ka da su se kladili ko če,a ko neče u more od nji uč,pa je tako najpri uša on,dokle ga je ona sa mobitelon snimala,a kad je on brže bolje vanka izaša,onda se najedan put počela i ona skidat,ušla u more i zaplivala,a naravno,sad je on nju na mobitel snima.
IMG_6010

IMG_6020

Komentiraj