Sinoč je u organizaciji Kaštelanske knjižnice Tonka Alujević predstavila svoju novu knjigu,šestu po redu sa malo neobičnin naslovon Villa Kufer.
Ka prvo da objasnin ča je to Villa Kufer. A to van je jedna kuča u Hvaru koju je njena teta Dinka napravila od pinez koje je dobila ka odštetu kad se vozila u Češkoj ferati koja je naglo zakočila,zbog čega joj je kufer pa na glavu,e i tote Tonka dođe po novitade i inspiraciju za učinit koju novu knjigu, ka i ovu sa 58 zapisi i duhoviti dogodovštin iz svakodnevnoga života, pa se zbog toga i zove Villa Kufer,a sve priče su jon napisane na našemu lipemu Dalmatinskomen jeziku.

Ča ču ja sad ovde govorit,tribalo je Tonku sinoč poč slušat,a jednu od priči ča nan je sinoč iz jedne od šest knjig šta ji je dosad učinila, ispričala, ču nabrzinu prepričat.

Bija jedan,a nazovimo ga ribar, ča bi liti turiste u razgledavanje gajeton vodija,a strani svit je li, ono,ka, čuja za Kornate i svi očedu poč oto čuda od prirode vidit,a njemu se nije dalo tako daleko odit,pa ji je on vrtija tamo okolo Drvenika Veloga,Maloga,Čiova…,a ovi su se cili oduševljeni,divili,slikavali…