Jema več koliko da se govori kako čedu se one rupe na cesti ča vodi do groblja uredit,čak se na pojedina mista, ko zna koliko več ima, ispilalo asvalat,a od sanacije ništa,neka se na pojedina mista več i stine vididu,sve do naza dva tri dana kad je ovi jedan iz našega sela vazeja mobitel i nije nazva,več je samo posla poruku,a ta poruka je očito došla na pravo misto,ča oče reč,do prave osobe, koja je posli dobivene poruke sve pokrenila i nakon nikoliko uri zvalo je ovoga, (poslavača poruke) da učini đir sa oviman za sinjat di ča triba,sutra dan su došli oni ča rižedu i dižedu asvalat,a danas su došli oto i asvaltirat,a onu dionicu di je okuka navr Braskoga doca su cili asvalat u dužini tridesetak metri obnovili,e sad govorin ja ovemu,a bilo bi dobro da ljudi u selu znadu koji si,pa ako slučajno…,odma me fermalo,da nemoj slučajno napisat,govori mi,ako to učiniš,čin me u selo vidiš,odma se uvati trčat,asti koliko jema ovi ča ču zbog nji u selo tribat trčat,usukat ču se ka telaruša. 😀