Kuče okolo onega trgiča ča se na njega more doč iz Varoša i sa Kajinoga briga. Neznate koji trgič?
Oni na kojemu su pri jednu tristipet četrdeset godin još bile redinice,jerbo je to misto išpartano sa ko zna koliko vlasnikov,a ote redinice su potaracali jerbo se tote mislija učinit pazar,primistit ga sa rive.
Ako ni sad neznate koji je to trgič onda Van ne mogu pomoč.
Znači okolo toga trgiča su kuče koje su jema ča ja znan koliko godin dobile novi naziv ulice,tako da se zamisto Luke Sokola sad zove Fra Bernardina Sokola,e sad jeli se po novu zove isto ulica,oli trg neznan,ali znan,jerbo su mi ljudi na to ukazali, da se nisu prominile kamene ploče sa imenon,šta je, kako u selu govoridu vrlo čudno,jerbo se na svako minjanje ulic odma postavljala i kamena ploča,a zašto ovde nije,nezna se.