I dok ovega lita ni prvi sedmoga na Gojači  nije meklo priobučivalicu, (na Sokolani je stavljena koji dan prije) evo do dana današnjega 20.10. priobučivalice su još tote. A za informaciju,ni na Bačvican ji više nima.

Danas,prvi dan Nove 2017 Godine na Gojači Jozo Dubravčić-Jajac otvorija je ovogodišnju sezonu kupanja u našemu selu. Nakon ča je iščupa travu ča se je počela vatat u pličak,hrabrin korakon zakoračija je prema dubini i zapliva,a kad je izaša vanka pitan ga ja,a ča je,jeli ti zima,ma je, baš san se lipo rasriška reka je,ajde pak,a vanka je devet stupnjev,a on da se lipo rasfriška.

Pri nikoliko dan doli na Gojaču sučuraška Torcida je nacrtala novi mural:

Reka je da nije i ode on učinit svoju dnevnu rutu:

Sinoč je klub navijači Torcida učinija prvu ovogodišnju litnju feštu isprid svoji prostorij na Gojači i bilo je sve u redu dokle se nije uvatila padat kiša tako da je zabava koja je tribala trajat do rani jutarnji uri razbivena sa prviman kapiman kiše okolo jedanajst uri. @iskrenomen fala na videju

Na vanjskomen zidu prostorij kluba navijača Sučuračke Torcide na Gojači osvanija je novi grb od Ajduka i Torcide u jedno o kojemu su odma krenile razne rasprave. I tamo se kraj prostorij od ribari grata zid i priprema teren za novi crtež. Grb je napravija Duje Luketin

Ovo ranpa doli na Gojači koja iako je sve sa njon u redu i popravila se tako da se bez problema more katancen zaključat je i dalje spuštena. Nakon popravka je bila zaključana jedan jedini dan nakon čega je katanac skinut i više iza toga nije vračen,a ka šta morete vidit na slici koja je mutna jerbo ju je ova slikala na mobitelu u večernjin uran tot se lipo dolazi…

Evo na, jema par dan da su mekli ovu priobučivalicu na Gojaču i odma je nikomen zasmetala,ali sad ne znan je li ovo dilo kojega rušitelja ili voajera?

Evo na opet ovega stupiča na Gojači koji se ne da baš tako lako, jema bit da je i njemu vruče pa mu je lakže doli ležat nego nauzgor stat. Asti vidi mene,još ču ga počet lirikon i epikon mazit. Srušilo ga je,eto ča se dogodilo,ali ovi put ga je srušilo zajedno sa katancen i puklo je oni “nos” ča je zavaren,a na kojemu katanac stoji. Isto ka da je…