A lipo,je da nije bila baš igra na koju smo ovi zanji par miseci navikli,ali je na kraju bitan rezultat od dva jedan s kojin je Ajduk pobijedija i to je sve ča ču o utaknici napisat,a sve je počelo minuton šutnje preminuliman članoviman,nakon čega je počela utakmica,a snjon i koreografija Torcide koja sutra slavi svoj sedandeset i četvrti rođendan,a kad se mislilo da je sa koreografijon to,to,e onda su…

Oni ča mislidu da su “veliki”uvik nađedu razne nazive za one koji jin smetadu,a koji su ustvari pametniji,organiziraniji,inteligentniji… i sve ostalo da ne nabrajan u odnosu na ote šta mislidu da su “veliki”pa jin zato ovi i smetadu,a jedni odo ti je i Torcida,pa sad ja neču ponavljat kako se sve pripadnici Torcide nazivljedu u ovomen ili onomen kontekstu,a Torcida kroza svoje akcije, humanitarno djelovanje natpise i koreografije,razne murale itd.itd.pokazuje…

Jučera kako je to cili dan,popodne,večer… u Splitu zbog finala Kupa bilo odma san se sitija one Smojine,da da je nač jednu veliku ceradu za ovo grada pokrit kako bi to bija največi cirkus na svitu. I to zbog čega,radi ono bokun mijura ča ga nji jedanajst po terenu naganja,a ovi sa tribin ji gledadu i bodridu. Bila je to jučera jedna velika ludnica,a kad je Ajduk pobijedija i napokon,sunce…

Pisa san več o tomen kako ja i čer gremo na svaku utaknicu o Ajduka i jedva smo dočekali da napokon otvoridu stadijone za publiku,eto, nisu kad smo igrali protiv Dinama,a evo, zato danas gremo gledat kad igra sa Varaždinom. I ka za dišpet jučera popodne se uvatila cipat kiša,a ja i čer gledamo,svako na svoju ponistru,muči ona,mučin ja,gledan ja nju,a gleda ona mene,manen glavon i pitan je ča čemo,a…

A bolje je ča pri zaboravit,sve je krenilo nizbrdo kad je naš dobija ono nesritnjega crvenoga kartuna,ali je zato atmosvera bila ludilo,dvadeset i dvi iljade svita je,ako ne utakmicon,a onda uživalo prizoriman,sa punoga Sjevera na kojemu je Torcida priredila koreografije i opet pokazali kako jin na oviman prostorima nima premca. Dok u današnje vrime velika večina nji ako jin ne turneš koju kunu,ni nokton od maloga prsta nečedu maknit,ovi momci…

Jučera je Torcida organizirala karusel kroza Split,dosad največi,a koliko je tote bilo ča motori,bičiklet,aut… to niko ne more znat,ali dokle je početak kolone bija na Poljudu,zanje aute su bile tamo okolo Pojišani. A u Poljud je, od oni ča je do njega uspilo doč sve iz aut izašlo vanka i krenilo put stadijona i tamo na jugozapadni dijal uz navijanje,bengalke,dimne bonbe,topovske udare…Ajdukoviman igračiman davali podršku,a nakon uzvikivanja očemo pobjedu,sve se…

Ono nikidan kad je igra Ajduk sa Osijekom,odma ujutro nije baš obečavalo da če se ona dosadna kišurina baš tako lako smirit,nima koju prognozu ja i čer mi, nismo otvorili,pa smo ji okričali naopako,gledali sa live,pa desne bande,ma na nijednoj nije bilo ništa ča bi ukazivalo niti na blago smirivanje,a kamoli prestanak one dosade od kiše. I gledan ja nju,a gleda ona mene,manen glavon i pitan je ča čemo,a ona…

Sinoč je u City centru otvorena izložba pod nazivon “Pod bijelim barjakom od 1911” kroz koju se kroza razne članke,slike,iskaznice,dokumente more vidit 108 godin kontinuiranoga članstva. Izložba je otvorena do nedilje.

Najpri se Torcida počela skupljat na Peristilu di su naštimavali glasove i vatali tonalitete,malo otvarali one konzerve ča dimidu i palili bengalke,pa su se onda kroza podrume od Dijoklecijanove palače uputili prema rivi di su se stivali u kolonu koja je kako su prolazili rivon sve više resla tako da kad su došli do “Mramontove” to je več bilo čudo svita,a foto čelije u “Mramontovoj” su mislile da pada noč…