Neznan točno koliko se to do sad puti dogodilo,ali baš ovde na potezu od semafora pa jednu dvadesetak metri nizdol puknuče cijevi se dogodilo več nikoliko puti,pa su se i danas ljudi pitali zašto se na tomen potezu ne promini cila cijev pa da se to više ne događa? Inače radnici Vodovoda su zatvorili ventil i tribalo bi uskoro počet sa radoviman,a asvalat se zbog pritiska vode na više misti…

Zvalo me jutros u osan i dvadeset da di san, da na Rivi od pusti govan ne moreš disat? Pa san okolo osan ipo ovo slika: A oko jedanajst uri bilo je ovako: Vonji koji su se pružali Rivon su neopisivi.

Žestoke se rasprave po selu vodidu od kako se doznalo da je parcela zemlje 1440 od devedeset i šest iljad kvadrati koja se daje u zakup na dvadeset i pet godin s mogučnošču ponavljanja na još dvajstipet godin, ustvari Sučuraški Gaj. Ljudiman nikako nije jasno da se šuma more dat u najam i to za poljoprivredne svrhe,a ča je sa onin da ovo gori moramo čuvat ka oči u glavi,jerbo…

Nakon šta je dijal obale strada u onemu zanjemu divljanju mora,tako je i do dana današnjega ostalo. Biče se čeka koja nova Lebičada oli Garbinada u nadi da če oto popucaloga betona povuč u more?

Učinija san đir prema Sokolani i ništa,vratija san se nazad okolo ure i pet i bila je nika siča,pa san se naša sa jednin nasrid Rive di smo pričali jednu dvadesetak minuti i on da gre ča,a ja govorin gren i ja,ma ču isto najpri povirit kakvo je sad stanje i evo,ovako je to bilo na uru i dvadeset i pet:

Jutros je u Satrčevićevoj ulici na prilazu priko štrike vlak naletija na auto ča je tila prič priko štrike,a zanimljivo da je vlak odija iz pravca Splita prema Kaštiliman,a auta iz pravca Kave prema Sučurcu,pa se vlak moga vidit još dokle je bija puno daleko,tako da su se svi pitali kako se to moglo dogodit,ali očito je da svi mi koji prilazimo priko štrike tribamo jemat uvik na umu onu, kako…

Deseta ura je zvoni mobitel,a ča je,di si,selo nan pliva u govniman,a tebe nima? Asti,a najbolje da dignen šator doli na Rivu i dežuran. Ajde dolazi. Evo gren. I dolazin doli,a jeman ča i vidit,a odma su me dočekali da neš ti otoga ča sad izlazi,a da san doša samo po ure pri to su komadi ovoliki izlazili (pokažijedu rukan). Ma ovo više stvarno nije normalno,jema več evo sad u…

Ajde pak,a ča je sad? A vi ka ne vidite da jema par dan da nan kanpanel svitli na pecibokune? E i ča sad,ča to meni govoriš? Da ča njemu govorin,a kome ču? Oniman iz sjene. A kojiman iz sjene? A eno oniman,znadu oni koji su. I usput jin reci da jema par miseci kako nan ni sat na kanpanelu nevalja. A ča je sad ovo,pita on mene,a eto to,govorin…

Asti,ka da je jučera sve to počelo,a evo ove godine se dogodila šesnajesta po redu utrka kariči u našemu selu. Ovi fenomen bi tribalo proučavat,da se ovoliko svita od oni najmanji,pa do oni najstariji skupi za gledat one ča se vozikadu na komad daske na koju su mekli nika željezna kola koja stvaradu nemoguču buku i to sve bude gotovo u sedan minuti,dokle prvi od natjecatelji prođe kroz cilj. I…

Jučera su na staromen kanpanelu na dva otvora prominili razbivenu mrižu, pa tako golubi unutra više ne moredu ulazit. Radila je ista ekipa koja je postavljala i rasvjetu,a pošto kanpanejal zanji dva tri dana nije svitlija onda su jin doli na Rivu rekli,da je li znadu,a da jin nije niko reka,a eto sad znate i kanpanel je sinoč opet prosvitlija.