Sučurac je ovi put dobro proša nije bilo potopljeni brodic ka lani. A u Sptitu je bilo ovako:

Jučera ni oni najžešči antibalunjer nije moga ostat imun na atmosveru ča se je učinila prid utaknicu Hrvaske i Brazila i di bi se ko okrenija sve je bilo u znaku kockic i dica i stari,a iznenadilo me u Splitu da nije bilo stranca koji na sebi nije jema čako kockičasto pa čak i brazilci ča su se našli na Splisku rivu uza svoja državna obilježja imali su nezaobilazne detalje,…

Trevija me pri niki dan jedan malo stariji čovik pa me pita da bi li ja moga ništo napisat o onoj doli plaži na Sokolani ča je zid uletija u more tako da je njima starijiman puno teško ulazit i izlazit iz mora jerbo tribadu priskakat priko zida.A govorin ja njemu da jema plažu na Gojaču di nima vaki građevin u moru,a on če meni,e moj sinko navika je puno…

Jutros je u organizaciji Gradske knjižnice Kaštili Igor Knižek ima premijerno predstavljanje najnovije zbirke bajki “Moj pustolovni planet” u lipomen ambijentu Gospojske štrade isprid dice one vrtičke dobi i one školske koja su upijala svaku piščevu rič,a moredu se pofalit da su među prviman čuli ove nove Igorove bajke koje su svitlost dana ugledale krajen trečega miseca. A kad su nakon izlaganja dica dočekala svoji pet minuti i uvatili se…

Doša u banku,na poštu, kod likara, u pekaru,uša u autobus ili učinija đir priko rive svugdi čuješ samo priču o maslinan koliko ji je u odnosu na lani, jesu li stradale, koliko su kili platile i ulja dale,a kroza štanpu, televizije i radija govoridu da je ova godina šta se tiče roda puno manja,čak upola od prošlogodišnje i da su masline makane ča od muje,nikoga rilca ovega ili onega. Ovi…

Oni znak zabranjeno parkiranje i zaustavljanje šta san pisa o njemu “izaša” je iz žbunja i odma nakon toga u Starčevičevu ulicu u velikon stilu “ušeta” je pauk i počeja odreda kupit aute. Nastala je velika strka,jer ljudi koji tot stojidu, ma koliko se tili držat propisi jednostavno nimadu di sa autan, turnili su ji sad sa sjeverne bande puta i u straju dežuradu na cesti. Moglo se čut da…

Puno nji kad jin spomeneš za ovu trafiku u našemu selu ostane začuđen. Mala je to trafikica nasuprot parka odispod stare škole,sa desne bande kad se ulazi u takozvani Get,ma točnije rečeno odma nasuprot kafiča Roko. E i tot morete nač sve ono ča inače morete na takviman mistiman nač,a da Van ja sad ovde ne nabrajan najbolje je da lipo sami idete vidit.

Ajme ljudi kad bi one klupe doli na našu Rivu napisale koju bilježnicu sabrani djel bila bi to najčitanija literatura od doba kad se je počelo “tipkat” na bokun stine pa sve do današnje digitalizacije. Ovi put se je razglabalo o onin kontejneriman šta su na rivu tik uz more na mistiman di je označeno za aute parkirat. Ka prvo svi se sičamo daan kad si svako malo moga po…

U Splitu na potezu od Grgura Ninskoga pa do Hrvojeve,točnije rečeno u ulici ispod Đardina ljubitelji stari stvari i kolekcionari svakodnevno moredu obač i kupit šta jin se svidi na sajmu antikviteta.

Jutros je u Kaštel Sučurcu održana peta atletska trka, prvenstvo Hrvaske u planinskome trčanju – memorijalna trka Ivica Radeljič Kozjak 2013 koja je počela u deset ipo ujutro sa pucnjen iz pištolja iz kojega je puca oni ča mu nesmin spomenit ime niti sliku meknit,a i on je kad je dobija mikrofon u ruke pokriveni ust činija mm mm mmmm mmm m mm jerbo je danas počela izborna šutnja i…