Jutros su radnici vlastitoga pogona uz pomoč Kurobase izvadili onu stinu okolo koje je jutros bilo polemike, koliko je več u moru,pa je jedan reka da jema tri godine,drugi govori četiri,treči,da jema i pet godin,a onda je ovi četvrti reka,eto,da nije po ničiju,neka bude da je šest godin u moru,a i lipše je za čut kad je veči broj.Usput je sa stinon grajfer uvatija i jednu crnu vriču,nije bilo pinez,ka ča je niko pita,več par kostiju od nike beštije,nije se puno mislilo od čega su,kako se na licu mista zaključilo,da su od dinosaurusa,tako je i ostalo…

Na ove dvi doli slike se vididu dvi stine koje su par centimetri izletile iz ležišta i koje bi tribalo podignit i zalipit,dok nisu i one uletile u more:

A onda su mi rekli da ne zaboravin slučajno napisat da su nan mogli bili i ove ploče ča su se odvojile, zalipit ili če i zato proč koja godina?

Evo san napisa.