Današnji dijal etape je bija i prolaz kroz Kaštila.Iz Trogira su krenili na uru i pet,a kroz Sučurac su prošli okolo dva i deset,dok jin je krajnji cilj današnje etape vrj Sv. Jure na Biokovu.

Po ko zna koji put ovo pišen,ali mi smo poznati po tomen da se uvatimo ništo rješavat tek onda kad se čako dogodi. Evo i jutros u frekventnu uru,tamo kraj škole,okolo osan manje sedan osan minuti jedna auta je opet odila odozdala prema gori-zabranjenin smjeron.Nije mu bila laka,cilo vrime se mora micat u stranu,a na ovo misto ča čete ga vidit na prvu sliku,sta je dobri biče tri minute,jerbo kako…

Dvi kamene ploče na onoj šetnici na našoj rivi su podinute,pa bi ji tribalo,ako ne radi toga da koko od nas ne šundra nogu,onda bar zbog toga ča če ove ploče uletit u more,pa onda nove kad dođedu. Ma zanimljivo je da je vako od one zanje Garbinade i cilo vrime smo govorili doče koko,doče koko,a ma niko da se siti oto popravit?

Danas je na našemu pazaru Socijaldemokratski forum žena SDP-a za Zakladu Ana Rukavina, održa humanitarnu akciju “Omiljeni cvijet Ane Rukavine”

Napokon su sredili ono ruglo od funtane na spliskoj rivi i odma se sinoč kad su provavali razne mogučnosti-efekte, koji se riktaju konpjuterski, po reakciji prisutni, vidilo da je funtana sa noviman štrcaljkan poredaniman okolo-jedna široka u sredini i rgb reflektoriman (to su oni sa promjenjivin svitlon),pravi pogodak.

Po selu se počeja rizat i uklanjat stari-nevaljani dijal asvalta i meče novi. E,a ka ča ste vidili, a o tomen se na veliko priča,na ovomen mistu se to napravilo na način da se učinila ova mala zakrpa,dok je ovi ostatak ispucaloga asvalta od nikoliko kvadrati,ulegnutoga taman di kola prolazidu,tako da pari ka da si na stazi od skakaonice sa utabaniman štrikan za skije, ostavilo onako, kako je i bilo,pa…

Da je sve išlo kvragu to več odavna znamo,ali da da je to moglo poprimit tolike razmjere,a svi se prikažijedu pobožniman,e to je več problem. Ovi daan smo svidoci kako ribari na rivi krpidu mrižu,ali selo ka selo,ne more bez priči,pa tako i sad i to u čudu, govoridu, da ča če ovo sud svita,jerbo Brbini pomažedu Tuntiniman krpit mrižu?? Ma čekaj malo,ča je to čudno? Oviman se raskidalo ni…

Da kroza naše selo svašta prolazi vidili smo sami,samo je pitanje vrimena kad če koja labudica svratit,pa bi ja priupita ove ča su donili odluku da se u Lukšič mekne ovi znak,Zašto u Lukšič da,a u Sučurac ne?