U samo dva dana nego ča san napisa da su puknute one skale doli na Sokolanu ča se s njima spušta u more,odma se to popravilo (pridučera),a i oni komad zida ča je bija blizu oti skal je izvađen vanka,one velike stine ča su ji donili, složilo je sa južne bande,a isto tako je po plaži rasulo i dva kamijona novoga žala. E sad dolazi ono nezaobilazno,ali, ove kantunale ča…

Evo je popodne doli na plaži na Sokolani iskrenilo dva tri kamijona veliki stinj i jedino ča ču napisat je da se u selo na svakomen kantunu o tomen priča i spominju se oni doli u opčini u ne tako baš lipomen kontektstu. Inače iz neslužbeni izvori se more čut da su ove stine za nasipat južni dijal uz plažu da jugo sa plaže ne nosi žalo?   P.S.Reka mi…

Ovi na slici su dijal od dragovoljac postrojbe Putalj koju je slika Franko Kovač uoči akcije Rašeljka za koju su se ovi šta ji vidite doli na slici dobrovoljno javili i fala Bogu svi su se živi vratili.Na slici još fali zapovjednik,pok. Ante Dadić koji je isto bija u akciji,ali trenutno nije bija tote kad se je slika učinila. Inače ova slika se nalazi u našemu Planinarskomen domu u onoj…

Evo se počelo opet mirit kakve nan je kvalitete more pa je tako od svi misti u Kaštiliman na kojiman se vazimljedu uzorci more izvrsne kakvoče,osin na Gojači,tamo je u žuto – zadovoljavajuče. A skala glasi ovako: Plava boja – izvrsno Zelena boja – dobro Žuta boja – zadovoljavajuče Crvena boja – nezadovoljavajuče I po selu opet pitanja,a zašto se ne uzimljedu uzorci i doli na Sokolanu,a oli ono nije…

Ovako san se jutros mora opravdavat,ma zaludu,tuklo me iz svi kaluni,a vražju mater ti nisi zna,znaš i ča če se sutra dogodit,a ovo ka nisi zna, je li ? Glavno da ti pišeš o pizdarijan,a ovo nije bitno,kvragu i znanje,koga briga za one pametne,neš ti nji. Ajde kvragu,ča si se navija ka brekelica,ma očeš mi više reč ča to nisan napisa? A to da je mali Domjan Barićev vanka na…

Ka ča znate ovu nediju su u Kaštilima održani izbori za Gradonačelnika i Gradsko viječe na koje je izašlo malo više od trideset i dva posto,ili ti ga trečina od ukupni glasači,e i sad opet,ka i 2014 kad su bili izbori za mjesne odbore priče, da šta napravit pa da se svit nikako natira da učine ono šta mu je dužnost?Pa se spominjedu skandinavske zemlje i da bi i u…

Najpri kad san doša u grad vidija san ništo ka čudno,a nikako se sitit šta? Razmišljaj,razmišljaj,ma nebi se sitija… Ma čekaj malo,a ma je li ja to vidin one žute kesice ča su počele devedeseti i moga si ji na svakomen kantunu vidit,one ča sa modriman sloviman na njiman piše KERUM?Asti,a okle sad ovo? A okle,a doli sa rive jema štand,sa Pipijen,ko oče Pipi dobije ga sa oton žuton keson….

Ali prvo da vidimo kako je sve to od početka išlo . Ono šta se u selu zna je to da je Viječe roditelji pokrenilo akciju za šta bolju prometnu sigurnost oko naše škole,a odma na početku moran naglasit da san puno puti ka nadopunu dnevnoga reda tražija uvrštavanje ove točke,da bi mi onda bilo sugerirano da čemo o tomen po točci razno. Ma daj,to čemo pod točku razno? Npr.uređenje…