Ka po običaju na Badnji Dan u Split bude krcato svita,a bome i događanja,Gradonačelnik Puljak je isprid peškarije dilija bakalar,ispod ure tradicionalno,skupili su se razni baritoni,tenori,basi…iz razni klap i bacili pismu,Pjaca je bila krcata svita,dok je DJ meča prigodnu muziku,a u niko doba iz vedra neba je i snig počeja padat,Prokurative su bile krcate,moglo se vidit i didamrazove na motoriman,Riva puna svita,a na Bačvicaman su se oni najhrabriji banjali…

Sutra na Svetoga Stipana točno u tri ure popodne isprid topa na Glavici,kreče devetnajesta po redu utrka u turanju kariči.

Nakon šta nan je treču advensku sviču na onemu vijencu doli na Rivu,zapalilo četiri dana kasnije u četvrtak,evo nan četvrta šterika gori od sinoč,tri dana pri? Zove mene ovi jedan sinoč okolo sedan uri na mobitel i govori,a ča ste ono več upalili četvrtu šteriku,mi,e vi iz mjesnoga odbora,vidi se kako nan sve cvita od kako ste došli i šteriku nan tri dana pri palite,ajde pak,a biče si ti to…

Od ove sedmice na advenskomen vijencu je tribala gorit i treča šterika,ali na onemu vijencu ča ga je meklo doli na Rivu još uvik goridu samo dvi,pa je počelo,a ča je ovo nan meklo pokvareni vijenac,na nas su ka po običaju zaboravili,kako smo zanja rupa na sviralu,tako je i u ovomen u nas čedu užgat kad uvatidu vrimena,bitno je da se doli u Kaštila svita skupi kad se palidu šterike,ma…

Jema več,a dosta ima,da na Gospici ne radidu dva svjetlosna ukrasa,na kandelabru kraj semafora i tamo na drugu bandu,di je autobusna stanica za trogir i još na ovemu kandelabru kraj semafora ne svitli ni parangal koji je omotan okolo stupa,a i na stupu kraj stare apoteke isto nevalja. Evo na ovoj doli slici morete vidit kako svitli oto parangala omotanoga okolo kandelabra:

Danas su bili radnici iz vodovoda i sredili su oni kvar,pa više ne teče po cesti. Ipak je bila cijev od vode,nije kanalizacija.

Ima več dvadesetak daan da tamo na cesti,nasuprot di je bija Nestor,teče nika tekučina,moremo se samo nadat da nije iz kanalizacija,več da je cijev od vode…

Danas su članovi moto kluba Uspomene na Rivi učinili obid,pa se moglo izist sarme,kripice,fažol…,sve je to bilo humanitarnoga karaktera,a prikupljeni novac koji se,koliko je ko moga,donira u posebnu posudicu,proslijedit če se Udruzi Sveti Jeronim iz Gomilice. Zašto je bilo malo svita iz našega sela neznan,šteta,ljudi su se ipak potrudili,a i humanitarno je,ali su zato bajkeri došli sa svi stran,pa se tako sve skuvano lipo izilo,a bome su se lipo i…

Od uvik je na ovo ovde naše područje Sveta Lucija u odnosu na Svetoga Nikolu ča se tiče nošenja darov dici bila glavna.Sičan se ka dite Sv.Nikola bi donija ovemu jednomen ča mu je otac navigava,a mi ostali,komen se u ote dane nosilo darove smo čekali Sv. Luciju i to baš čekali,jerbo od uzbuđenosti nisi moga ni spavat. A onda tamo početkon devedeseti godin sa svi stran su nas “bonbardirali”…