Odavna su časne sestre tamo na Lučici,ove starije okolo mene ča san pita od kad su tamo,svi govoridu da ji se sičadu još kad su dica bili,a niki od nji su tamo i u vrtič odili (državni,dok nije priša u đardin),a krcato žen iz sela i okolice ča znadu šit su za šanturicu baš tamo zanat izučile,bila je tu i mala crkvica u koju je moglo stat možda tridesetak svita…

E Mislave. E. A ča to radiš? A kopan. A lipi kanal si učinija.A ča ču napisat, ča kopaš? A napiši da ču ovo na Podvorje kunplire posadit.E. An tako. Evo ja napisa.

Nije prošlo ni petnajestak dan od one zanje kiše ča je sve inkartala,jerbo je padala zajedno sa onon savuron iz pustinje,a jučera se opet to sve na opču radost lipo ponovilo,s tin da smo ovi put uz kišu dobili i savurastu maglu,pa su nan Kaštila izgledala evo ovako:

Ma baš je ova slika lipo sela. Nikidan je na rivu bila karba je li se more tamo doli na rivu ispod crikve di je znak da je tote parkiralište oni ča oskrbljijedu dučane parkirat npr.popodne,jerbo se sve opskrbe večinon odvijadu ujutro ili ča je sa nediljon, prazniciman ili po noči,je li se more onda tote parkirat jerbo nima tabele od koje do koje ure je tote rezervirano za tu…

Večeras se molitvon,paljenjen lumini i bakljadon točno u 19 i 50 uri “sjever” na Poljudu,koji je doslovce gorija, oprostija od Žana Ojdanića-bivšega dugogodišnjega presjednika Torcide koji je danas tragično nastrada. Za one koji ne znaju ko je na Torcidinome transparentu,na slici pokriven šudaron priko ust? To je Žan Ojdanić,a slika je iz mlađi dan.

O čemu se radi? Ima več koju godinu da san primjetija kako su na staremu kanpanelu fuge između stin,najpri di koja,a sad sve više,pogotovo na zapadnoj strani od kanpanela cilo vrime ka mokre i to nima veze je li pada ili je padala kiša,je li suvo bez kiše,je li na buru,oli na jugo,lito,zima,jesen,proliče,uvik je između fuug mokro,a da ima mista zabrinutosti pokazalo se kad me je lani,tamo nigdi u osmi…

A ko če to dovest u red,iako jema kontejneri i kaant na svakomen kantunu,smeča jema svugdi okolo,tako se ide u razmišljanje da se gre obratnin tokon,a to je da,ako ti nečeš do kante, kanta če doč do tebe. Znači,ubuduče bi oni koji itadu svugdi okolo smeče tribali otvorit četveroje oči,jerbo če okolo šetat kante i pratit ko če di itnit smeče di ne triba i kad takvoga detektira,onda če kanta…

Ovo kako se počelo sa uređivanjen fasade na zgradi od opčine, niko je kako to več po običaju ide, pustija priču o tomen da se neče sređivat četvrti i peti kat,ustvari to i nisu četvrti i peti kat,jer ako se sičate kad je zgrada bila gotova kako je bilo peripetij da se je peti i ko zna koji još kat radija bez dozvole,pa se onda to išlo rješavat sa preimenovanjiman…

U dane okolo Uskrsa u prodaji je puno ča oni, od marcipana ili nazovimo marcipana,plišani,a i živi, zečev,kuniči,patak,piliči…koje ljudi (pogotovo ove žive) mahon kupujedu ne razmišljajuči o tomen da če kasnije imat problema, di če sa njiman? Sičan se tako naza desetak godin kad nas je jedna iz Splita ča je znamo zvala upomoč da joj, ako moremo, smistimo piliča koji to više nije bija, kod sebe,jerbo je naresta,a njoj…