Ne volin ja baš puno odit na utaknice,ali eto kad su vaki derbiji onda diko povirin jerbo se Torcida potrudi za napravit lipu koreografiju i navijanje tako da je baš gušt bit dijal otega anbijenta,a i moreš napunit punu karticu o aparata tako da kasnije od dvista slik jemaš problem koje češ meknit,a koje od slik maknit jerbo bi sve to bilo ipak malo previše za stavit. I seja ja…

Sinoč je u naše selo održano treče po redu natjecanje u kuvanju na kojemu su nagrade dobili: Veterani Jadrana prvo misto i veliku teču-sa poklopcen,Moto klub Uspomene za drugo misto dobija je sridnju teču-pita je Tica da zašto nima poklopac i Sučuraške maškare su za treče misto dobile onu najmanju teču-sa poklopcen,a Torcida Sučurac za četvrto misto je dobila bocu viskija i škatulu bičerini. Zanimljivo je i to da su…

Na Novomen putu su jučera počeli sa radovima di če se zbog sigurnosti školske dice korniž koji se protiže uz školsko dvorište ogradit željeznon ogradon koja če se protizat sve do oni veliki vrat za školsku dvoranu s tin da bi se na cestu triba napravit uzdignuti pješački prilaz prema Varošu tako da bi dica sigurno prilazila priko ceste.

A ča jema da je lani bila prva,a evo sinoč nakon godinu dan na isto misto u Gospojsku Štradu opet se dogodila večer Sučuraški glendi i batudi koju je pomno pripremila Renata Dobrič ravnateljica Kaštelanske knjižnice koja je i organizator ovoga događanja. U odnosu na lani ovogodišnja večer o batudi bila je puno spontanija od one prošle,jerbo je bilo inprovizacij koje su ovoj večeri dali “ono ništo” ča puno puti…

fala @zdvdks-u za videjo

Jučera je u sedan uri popodne don Ivan Delič naš novi pop održa svoju prvu misu u našemu selu. Je li iz znatiželje ili…,crkva je bila ispunjena do zanjega mista,a red za svetu pričest bija je ka šta je na nediljnin misan,tako da ispada da se puno nji oti prvi dan tilo sa popon onako, izbliza upoznat.Ja san iz daleka obamira i moran priznat da mi je na prvu, nako…

Nije lako o bilo čemu pisat i bit objektivan,samin tin šta je čovik jedno čudno stvorenje koje je osvetoljubivo pa ma kako se svako od nas trudija sebe prikazat da to nije tako. Od mali noog čuja san razne priče o popiman ča su dolazili i odlazili iz našega mista i uvik je bilo oni ča bi ga,a da se nije još ono ča se reče deboto ni steplija tili…

Kad se ulazite kupat na onu doli plažu na Sokolani ča su je ovo lito bagerirali i ušestili onda pazite jerbo iz dna viridu ruzinave žice koje je Frane danas prova izvadit,ali se ne more jer je ko zna koliko duboko pa je na nji meka stine,ali stina ka stina u moru ne stoji dugo na jedno misto pa zato da ne bude vraga i po dobro pripazite. I još…

Danas popodne kad je okrenilo nevrime Sučurac je posjetila pijavica i to po onome šta se more vidit da je iza sebe ostavila prošla je koridoron stare jugovinilove štrike +-dvadesetak metri sjever-jug,a zaustavila nigdi do Đardina. Jedan naš miščanin šta mu je načelo krov govori kako se najedan put počeja čut niki huk i velika buka i sriča da je trajalo vrlo kratko.Bilo je okinuti gran na rivi i Gospici…