Kako je rečeno,radit če se preljev koji če iz cijevi od obične kanalizacije pritočit sadržaj u eko kolektor-sistem koji je u toj ulici položen 2016. godine,tako da bi slika od govan ča ji svakodnevno vidimo kako ispod rive veselo ulazidu u more,tribala ič u ropotarnicu povijesti,naravno,ako ne bude kakvi nepredviđeni iznenađenji… Evo ovi doli znak ča ga je meklo uz cestu kraj Bonbardeli bi triba pojasnit kako se zbog novonastale…

Od danas pa do desetoga ovega miseca od osan ujutro,pa do podne doli na rivi ispod crikve biče postavljeni kontejneri za glomazni otpad,pa ko ča jema za itnit,neka to napravi.

I na samomen kraju šetanje po jarbolu postavljenomen vodoravno navr površine mora na čijemu se kraju gingalo janje do kojega,ko dođe,njegovo je,ali je jedna mala sitnica oto otežavala,jerbo je to okrugle grede-jarbola bilo namazano lojen,tako da je bilo i oni ča su gadno odletili i grubo se oba oto grede udrili… Inače u utrci konobari pobijedila je jedna cura,taktika požuri polako pokazala se dobitnom i dok su muški konobari trčali…

Nikidan se na društveniman mrižan povela rasprava o kanalizaciji ča doli ispod crikve gre u more i puno se tote reklo,a ništa novo,ali moran ispravit one koji mislidu da je to ilegalni ispust,nije,tako se prije rješavala kanalizacija,sa cijeviman u more,a onda je prije tridesetak godin krenilo sa Eko Kaštelanskin zalivon-firmon koja je bila zadužena da ovi naš kanal,ča se vakvi stvari tiče,napokon dovede u red i ispusti u more poput…

Pitalo me nikidan da kako san ono napisa da če ovo lito Maještral uzmuljat more koje če zbog ostatak od srušenoga mula bit kafeno,a nisan baš toliko vidovit šta če bit ovega lita kad popodne punedu oni jaki Maještrali,ali sadašnjost baš ne obečava,ovo je snimljeno jučera popodne kad je puva slabašan Maještralič,more je izgledalo evo vako: A ono materijala koje je ostalo od rabijenoga muleta je i po pličaku i…

Jema biče desetak daan da je završilo radove na Novemu putu koji su prema predviđanjiman tribali trajat misec daan i svi smo se veselili kako je to čak par dan pri roka završeno,kad najedanput, po sredini ceste meklo je onu okomitu “zebru sa kosiman crtan”jerbo je tamo di su se činili radovi ulega asvalat i oto znaka je meklo da se ne otvori rupetina i još koko nastrada,a po selu…

Ka ča znate,ono muleta doli na plaži na Sokolani je maklo ča i naravno,za očekivat je kako je selo podiljeno,dok je jednima drago da je oto plaže sad u komadu,drugi,pogotovo oni ča jemadu dicu nisu baš oduševljeni,jerbo da je dici bilo drago tote skakat,ali sad neču oba tomen,neka svak raspravlja onako kako mu odgovara. Sad čemo o posljedicama koje su ostale nakon uklanjanja otega muleta,jer očito je kako cili materijal…

Nakon šta je jema dvadesetak daan “popravljeno”ulegnuče šahte za odvodnju oborinski vood tamo blizu Đardina,ima par daan da je na oto misto meklo okomitu signalizacija,jerbo ka ča san onda napisa kako je sređena posljedica,okolo šahte je asvaltiralo,a uzrok koji se nalazi ispod zemlje je i dalje osta,ali jema bit da se napokon uspilo vidit da oto posla nije učinjeno kako triba pa se meklo oto znaka ka upozorenje,a valjda če…

Zvalo me jučera,zaustavljalo po selu nji,neznan ni sam broj,a sve zbog radov ča su se počeli činit doli na plaži Sokolana,a bilo je i oni sa baketinan,ka ono,eto ruši ti oni mujal,a ti si bija protiv toga,a znadu vrlo dobro zašto san ja bija protiv toga lani u drugi misec na sjednici od Mjesnoga odbora,na kojoj san isto tako reka kad ču podržat rušenje otega muleta,pa zato evo podsjetnik,dijal onega…