Jema sad če skoro i misec daan da je doli na rukometnomen igralištu Sučuračka Udruga navijača Hajduka u plavo crvenu koluru opiturala tribine,a na sjeverni zid učinila i natpis sa grbon,a onda su nikidan i na Gojaču na jedan zidič učinili jedan lipi muralič,a polemiku su učinila ona četiri zanja slova,pa se po selu pita,a je li,a ča ono znači,a onda iza toga slijedi ona;A ka reču ti… I na…

Ona uličica o kojoj san toliko puti pisa kako je puna trave,pa je zanji put ispalo kako su napokon i to uzeli u plan i program i pokosili,a onda san nakon par daan dozna da ni onda nebi,da jedna žena koja tamo stoji kad je ove ča su po Varošu kosili,vidila kako su ovu kaleticu opet priskočili, nije trčala za njiman i rekla jin da i to pokosidu,pa kako mi…

Evo pogledajte u par slik ovega,mislin da je po šestu Francuz,koje je kerefeke mora izvodit dokle se priobuka u robu za poč ča i ko zna oče li nan se više u selo vratit. Dakle operacija oblačenje uz pomoč samo jedne ruke,jerbo se sa drugon mora držat šugaman kojega se okolo sebe omota,trajala je lipi pet-šest minuti,jerbo nije lako stat na jednoj nozi,a da se sa rukaman ne moreš za…

Popodne okolo četiri ipo na Braču je počeja požar i na ono maeštrala ča je bija punija nije izgledalo ka da če na dobro završit,ali je na sriču kroz uru vrimena dim bija vidljivo manji,a u međuvrimenu su došla i dva Kanadera koji su pomagali natopit namo di je bilo nepristupačno i požar se udunija. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!

Napokon su oni ča prolazidu ovin dilon Rimskoga puta do svoji kuč,odanili,radovi sa kanalizacijon nakon dugi… miseci su završeni i jučera je napokon meklo asvalat. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!

To se u nas skoro svakodnevno dogodi,čudno je onda kad se ne dogodi,pitadu se svi,a ča je bilo,oli se diko zaštopalo,to je ka normalno,da nan je slika sa Rive ovakva… Ali, kad se ništo slično to doli u Kaštila dogodi,e onda je sve na nogaman. Vidili smo to ovi zanji par godin. I na kraju za žuntu bi još doda NA SOKOLANU JOŠ NISTE MEKLI PRIOBUČIVALICU!

Tamo u Vrila,točnije kad iz pravca Splita grete skrenit sa Magistrale da čete proč podvožnjakon prema selu,e pa je prije raskrsnice nasrid ceste meklo znak upozorenja,a vrlo je opasno kad se spuštate sa istočnon ceston-pravca vitrenice i idete skrenit prema uzgor,znak se primjeti u zanji momenat,pa je tako jedan iša da če put uzgor,dokle san ja odija nizdol i u zanji momenat je izbjega ovo znaka i doša vamo na…

A zašto su ljudi tamo rečemo po modernu, prosvjedovali iliti ga po staromen, činili denmonštrancjun? A zato ča se tamo več dvadesetak godin ništo gradi,činidu se puti,ljudi su reagirali,obračali se razniman institucijan,a posal se i dalje,nesmetano odvija? A uvala Vruja spada pod zaštičeno morsko područje,a i u njoj je po donešeniman prostorniman planoviman zabranjena gradnja… U nediju na prosvjed bilo je i mladoga i starega svita,bilo je i suzni očiju…

Uf ča su Sučurani jidni,govoridu,znamo da smo zanja rupa na sviralu,ali šta je mašo,mašo je. Evo je več peti dan sedmoga miseca,a ovi iz Grada nan još nisu na Sokolani mekli priobučivalicu? Ka ča san več pri par godin pisa,Sokolana je več odavna postala glavna plaža,čak i ono turisti šta nan je počelo zanji godin dolazit,svi se na Sokolanu kupadu. Ali dokad? Ove zanje dvi godine zbog korone turisti se…