E ovi stup (u Starčevićevoj kraj broja 76) je ovako nakrivljen od kako je puvala ona velika bura i govoridu mi kako su zvali i ovoga i onoga da ga triba izdricat,ma niko ne obada,a samo je pitanje vrimena oče li na ovu sljedeču buru ča je zovedu past i učinit rusvaj,jerbo je taman ispod jedna građevina koja mu je na putanji,a i ne mora bura punit,sve ovisi ča se…

U ponedijak 18-toga san doli na Sokolanu slika kako je iz onega potoka ča izlazi na plažu na Sokolani izlazilo ništo gadne kafene boje,sa nikiman komadičiman,koje je bome,lipo vonjalo,nije cilo vrime,ali se jednu petnajestak minuti lipo osječalo. E a onda je sutradan 19-toga na službene stranice Grada Kaštili izašla obavijest u kojoj piše kako su iz VIK-a obavijestili da je 18-toga prilikom čiščenja vodospreme u Kaštel Sučurcu došlo do zamučenja…

Danas su oni iz Zelenoga i Modroga počeli od Raca pisat broje za vezove od brodic,a vlasnici če po novomen godišnje po metru broda plačat-penzioneri pedeset kun,a oni ča radidu sto kun. Naravno od kako se to počelo govorit,počelo je i negodovanje vlasnikov koji več sad godišnje plačadu,neznan koliko i šta,tako da jin s ovin šta bi sad tribali platit,nije jasno šta ustvari plačadu,jer kako govoridu sami su svoje mulete…

Zove me danas jedan na mobitel pa me pita,da ča če se ono gori u Gorici radit pa su se našli oni iz Cemexa sa Gradonačelnikon,a i još jedan ča me je trevija o istomen govori. A ča ja znan,a kako neznaš,a oli nisi u Mjesnomen Odboru,a da ideš ti malo,a,a koga ču onda pitat,moju mater govori mi ovi drugi,a baš super,pa kad ti reče javi mi se na mobitel…

Danas je prvi dan proliča. Je,dobro ste čuli,neka je dvadeseti,a u školu su nas učili da je dvajstprvoga, još jednu stotinjak godin biče ovako jer se to gleda prema proljetnoj ravnodnevnici,a to je dan u godini kad noč i dan jednako trajedu,šta oče reč da zemljina OS nije nagnuta ni prema Suncu niti od njega,a središte sunca nalazi se u ravnini zemljinoga ekvatora.I iako je to tako,datum če i dalje…

Koliko več godin pišen o ovomen potoku i slikajen ča iz njega sve izlazi,sičate li se i priče o čoviku koji mi je priča da je tokon plivanja ovde dobija niku bakteriju od koje mu je natekla glava i kad je doša u likara ovi su se uvatili za glavu kad su ga vidili i bilo mu je puuuno gadno,sičate li se kad san jedno lito pisa kako je, dokle…

Ono prisinoč kad se uz grmljavinu,krupu i buru spustila tenperatura na samo pet stupnjev,a na Kozjaku počeja i snig padat,odma su počele priče kako ovo nije normalno da se u treči misec u samo dvi ure vrimena tenperatura more kalat za četrnajst stupnjev,bla,bla… Ma zanimljivo,a to ča smo do niki dan u kratke rukave odili,ništa to je ka normalno? Evo nikidan,točnije kraj drugoga miseca,ja u Zagrebu šetan u majičici,sriča da…

Ovu subotu je bilo petnajst daan da je puvala ona veelika buretina,a kako je morsku prašine nosilo po cilomen selu,tako je “inkartalo” i ono ogledalo na Mulu i naravno,ka po običaju niko ga nije opra i samo je bilo pitanje vrimena kad če koko iz sela to napravit,pa je u ovu subotu tamo nigdi pridvečer jedan čovik to očistija. Doša je ko zna okle,a kad je odija ča,gledali smo di…

foto je sa fejsa A sve je to počelo 27.srpnja 1971 godine kad se u selo dogodija veliki požar u kojemu je u samo uru vrimena izgorija cili Gaj,nakon kojega je Ivica Batina ka tadašnji presjednik omladine dobija zadatak da organizira čuvanje požarišta,a pošto su cilu noč bili budni jemali su vrimena za razmišljanje,pa je tako Ivici sinila ideja o organiziranju Omladinske vatrogasne brigade i odonda je sve to počelo….