Braniteljske Udruge su imale turnir u balotan: A članovi Rukometnoga kluba su čistili teren:

Je  li se sičate kad je u četvrti misec minjalo dilove ispucaloga asvalta po selu i kad je umisto da obnovidu cili asvalt u obe trake, na dilu ceste između između Gospice i bivše (jema bit i buduče) ex jugovinilove štrike asvaltiralo jedan kvadratič? Evo ovako je to bilo: Pa je onda ispalo da se krivo razumilo i da če se u vrlo skoromen vrimenu to sve dovest u red,a…

Evo Van par slik kako su to učinili u Starčevićevoj,pa možda dobijete inspiraciju.

Ka ča znamo jučera je dici u školaman podililo svidožbe,a za razliku od prošli godin,lani zanji put,desno od imena učenika-ce pisalo je kojega je spola,u odnosu na doba mraka kad je pisalo sin-kči,sad je to bilo M ili Ž,a ispod imena učenika-ce uz podatke kad se i di se rodija-la,državljanstva, pisalo su i imena roditelja ili skrbnika,ko je u dobre, oba roditelja,a ko nije ili zbog neki drugi okolnosti,ime onega…

Nakon ča su u treči misec doli na rivu spomenik paliman braniteljiman opasali sa nikon nakaradnon mrižon,koju su nakon par dan makli,jema desetak daan da je osvanila nova ograda. Ča je,je,ova je stimana i nima joj se ča prigovorit,ali,bi li mi koko objasnija kako če stari ljudi,ma i oni mlađi, koji ovde dođedu upalit šteriku,meknit cviče,to moč napravit,nagninjat če se priko ograde?ča se koko od nji sad triba ovde slomit?a…

Masne fleke,more u duginiman bojan zbog ničega ča se izlilo (kerozin,nafta…) i to u dužini od jednu stotinjak metri,u širini od nikoliko metri, bila je slika mora koja se mogla vidit pri dva dana na potezu od banane do mula, sa neizostavnin vonjen i naravno,ka ni za ono pri par miseci kad je Gojača bila kafena,ni za ovo se ne zna okle je.Sriča da je punila bura pa je razbistrilo.

Evo čitan kako je najnovije uzorkovanje mora pokazalo da je na Gojači more zadovoljavajuče kvalitete,pa se u selo opet postavlja logično pitanje,da zašto nima ništa odo tome kakva je kvaliteta doli na Sokolanu,a ča čedu bezveze gledat,“sigurno je extra djevičansko“ . Ma baš nikidan kad je u selo bila akcija od čiščenja mora, upa san u priču sa Dogradonačelnicon Jadrankom,ustvari, cilo san vrime izbjegava i biža na drugu bandu da…

Na ovoj doli slici morete vidit zupčanik i sat od helikoptera koji je namiščen na šest i pet,uru kad je helikopter pa. A sičan se ka da je to jučera bilo,a jema san onda trinajst godin, sidija san na balvaniman na pilani navr kuče i gleda kako helikopter pribaca materija sa Mula prema Planinarskomen domu koji se nadograđiva,mater mi je donila niku kapu,jerbo da če me puknit zvizdan u glavu…