A ča je mašo,mašo je, kraj trečega miseca dlakicu se naoblači i eto sniga. Ako nastavi ovin inteziteton onda čemo ujutro imat veeeeliki problemi. U odnosu na onega nikidan ovi je prilično mokar,ali zato padadu lipe pahulje ,sriča eto da bar zasad tenperatura nije u minusu pa nebi tribalo bit smrzavanja,ali pusti ti stat,ko zna ča če do ujutro bit.

Tamo između Lidla i Konzuma jema nikoliko dan da se vrtidu dva bagera i ništo čeprkadu. E i ka po običaju u selo se odma krenilo sa pričon,a biče ovo,a biče ono,a najbliže svin pričan bi mogla bit ona o kojoj se govorilo jema biče i šest sedan godin,a ta je da bi tote tribala bit benzinska punpa,a ča če na kraju bit,vidičemo?

Reče koko,da san okasnija,jučera je to bilo,a ako čemo po njijovu onda nije bilo ni jučera,več pridučera,pa ako više nima proliča na njegov prvi dan,nego dan prije,a zašto onda ja od njemu nebi pisa dan kasnije?E vidiš ti ča ti je nauka,još jednu stotinjak godin biče ovako jer se to gleda prema proljetnoj ravnodnevnici,a to je dan u godini kad noč i dan jednako trajedu,šta oče reč da zemljina OS…

Bilo je to danas popodne doli na Sokolanu,nika žena sa dvoje dice koja su se tote igrali, me pitala da bi li napisa oviman iz opčine da na Sokolanu meknedu znak da je tote zabranjeno igranje za dicu. A gledamo ja i ovi štaa je bija sa menon ča je sad? A ona če,a ma pogledajte samo koliko govan od pasi ima,po žalu,po travi,svako malo mi koje od diteta ugazi…

A evo,kad su se svi uspi.dili o toj Istanbulskoj konvenciji onda gren i ja čako pametno od njoj reč. I ča sad trenutno jemamo,a jemamo one ritke ča su otu konvenciju pročitali,one ča su je počeli čitat,pa ji je odma na početku štufalo i fermali je čitat,oni ča govoridu da su je pročitali,a nisu,oni koji mislidu da su je pročitali…,a na samomen kraju jemamo i one koji je uopče nisu…

Ne ovi četvrtak i petak,več oni namo,prije ovi,semafori navr škole nisu radili biče možda dan, dan i po,samo je blinkalo žuto i odija san fičon Novin puten odozdala prema gori. A kad san doša do ceste bilo je veeliko pitanje,a ča ču sad? Oto kako nisu radili semafori,a triba san se uključit u promet za poč prema Gospici, mora san izač do pola ove južne trake vanka,za da bi vidija…

Iako se okolo tobogana di je ležala lokva i činilo se blato,posulo žalo,lokva je i dalje prisutna.

Jema nikoliko daan da je spomenik poginuliman braniteljiman doli na rivu osvanija opasan žicon i naravno,kako to več u naše selo gre,uvatija me ovi jedan,a ča je mučiš,a,a ja ga gledan,neznan o čemu se sad radi,a jesi vidija ča su učinili sa spomenikon?pita mene ovi,a kojin spomenikon? a onin o branitelji isprid Bobisa,a ča,oli su ga napokon podigli da nije na podu? je,je i više su vrimena potrošili,opasali su ga…